فەستیڤالا دووێ یا هۆنەرێن جوان پرۆژێن دەرچوونا قوتابیێن قۆناغا چوارێ پێشانددەت

📍 زانکۆیا دهۆک، ٥-٧ـی گولانا ٢٠٢٥ـێ، نڤیسینگەها راگەهاندنا زانکۆیێ | وەک پشكەك ژ پابەندبوونا خۆ یا ستراتیژی بۆ بهێزکرنا کەلتووری، پشكداریا قوتابیان، و داهێنانا ناڤ-دیسپلینی، کۆلیژا هۆنەرێن جوان ل زانکۆیا دهۆک فەستیڤالا دووێ یا هۆنەرێن جوان دەستپێکر، یا کو ژ ٥-٧ـی گولانا ٢٠٢٥ـێ ل ناڤەندا قوتابیێن زانکۆیا دهۆک و هۆلێن هۆنەری یێن گرێدای برێڤەچوو.

ڕێورەسما ڤەکرنێ، یا کو ل ٥ـێ گولانێ برێڤەچوو، ب ئامادەبوونا ڤان کەسایەتیێن شاناز بوو:

• د. داود سلێمان ئەترۆشی، سەرۆکێ زانکۆیا دهۆک
• بەڕێز ئیسماعیل مستەفا، پارێزگەرێ دهۆکێ
• بەڕێز ئەمیر عەلی، ڕێڤەبەرێ گشتی یێ رەوشەنبیر و هۆنەری ل پارێزگەها دهۆکێ
• هاریكارێن سەرۆکێ زانکۆیێ، ڕاگرێن کۆلیژان، بەرپرسێن حکومی و پارتی، ئەندامێن دەستەیا مامۆستایان، و ژمارەکا مەزن ژ قوتابی و مێڤانان.

👩‍🎨 بهێزکرنا نفشێ داهاتی یێ سەرکردەیێن کەلتووری

د. ئەیوب ڕەمەزان فەتاح، ڕاگرێ کۆلیژا هونەرێن جوان، سوپاسیا خۆ بۆ سەرۆكاتیا زانکۆیا دهۆک دیارکر و گۆت:

"ئەڤ فەستیڤالە نە ب تنێ بۆنەیەكە - ئەڤە دەربڕینەکە بۆ وێ چەندێ کو قوتابیێن مە دشێن چ بکەن دەمێ مەیدان بۆ داهێنان و پشكداریكرن بۆ وان دهێتە دابینکرن."

🎨 پیرۆزکرنا بەهرەیا قوتابیان و دیالۆگا هونەری

د. داود سلێمان ئەتروشی پیرۆزباهی ل کۆلیژا هۆنەرێن جوان کر ژبەر پابەندبوونا وێ بۆ پەروەردەکرنا بەهرەیا هۆنەری، و دووپاتکر:

"ئەڤ فەستیڤالە دسەلمینیت کو هۆنەر دشێت سنووران ببەزینیت و خەلکی پێکڤە بینیت. ئەڤە دیتنا مە رەنگڤەددەت کو کۆلیژا هونەرێن جوان بکەینە جهەکێ زیندی بۆ دەربڕین، داهێنان، و دیالۆگا جڤاکی."

وی ستایشا مامۆستا و قوتابیان کر ژبەر گوهۆڕینا هزرا داهێنەر بۆ کارەکێ کارتێکەر، و ئاماژە کر کو کۆلیژ ب لەز بوویە کەڤرێ کوژیێ یێ دیتنا زانکۆیا دهۆک بۆ پێشڤەبرنا ب سەرکردایەتیا هونری هەر ژ دەمێ دامەزراندنا وێ ل سالا ٢٠٢٣ـێ.

🎭 سەرنجێن فەستیڤالێ و پرۆگرامێن ڕۆژانە

هەلكەڤت سێ ڕۆژان تێکەلەکا دینامیکی یا نیشاندانێن هۆنەریب خۆ ڤە گرت:

• کۆنسێرتێن موزیکا فۆلکلۆری و پێشکێشکرنێن ناڤ-دیسپلینی ژلایێ قوتابیێن سالا ئێکێ یێن پشکا موزیکێ وەک پشكەك ژ ڕێورەسمێن ڤەکرنێ
• پێشانگەهێن کارلێککەر د نیگاركیشانێ، پەیکەرسازی، شێوەكاری، و هۆنەرێن دیجیتالی دا ژ لایێ قوتابیێن بەکالۆریۆس و ماستەر یێن پشکا هونەرێن شێوەكاری
• پێشکێشکرنێن شانۆیی، ژ وان ٣ شانۆیێن هاتینە پێشکێشکرن ژ لایێ قوتابیێن پشکا دراما
• پانەلێن گەنگەشەیێ، کو دەست داننە سەر بابەتێن پەیوەندیدار ب شانۆیێن هاتینە پێشکێشکرن د ماوێ فەستیڤالێ دا

📅 روینشتنێن بەرچاڤ ژ پرۆگرامێ:

٦ـی گولانێ | شانۆ: ڕوح د مالبچووكێ شکسپیری دا، نڤیسین ژ لایێ مونیر ڕاضی، سەرپەرشتی ژ لایێ نەوزاد میکائیل عیسا، و دەرهێنان ژ لایێ قوتابی کاروان سلو خچو

پانەلا گەنگەشێ ب ناڤێ: "ئەزموونێن هۆنەری یێن نوی" ژ لایێ بەڕێز بەشار محەمەد تاهر.

٧ێ گولانێ | شانۆ: خەونەک ژ دەرڤەی بازنەی، نڤیسین ژ لایێ هەلکەت ئیدریس عابد، سەرپەرشتی ژ لایێ ئەلند ڕەمەزان عومەر، دەرهێنان ژ لایێ خاتین بەشار عەبدولڕەزاق

پانەلا گەنگەشێ ب ناڤێ: "سەربۆرێن نوو یێن هۆنەری" ژ لایێ د. کەوسەر محەمەد عەلی

٧ێ گولانێ | شانۆ: باران، نڤیسین ژ لایێ هەلکەت ئیدریس عابد، سەرپەرشتی ژ لایێ بەڕێز ئەحمەد مشەختی و دەرهێنان ژ لایێ قوتابی فاتیمە ئەحمەد پیرو

پانێلا گەنگەشێ ب ناڤێ: "سەربۆرێن نوو یێن هونەری" ژ  لایێ د. مونقذ محەمەد فەیسەل

پانێلەکا دی یا گەنگەشێ ب ناڤێ: "سەربۆرێن نوو یێن هونەری" ژ لایێ بەڕێز گوهدار سەلاحەدین

ڕێورەسما شەڤا دویماهیێ ب ئامادەبوونا سەرۆکێ زانکۆیا دهۆک، قوتابی و خێزانێن وان

فەستیڤال ب پێشکێشکرنێن موزیکێ و پشكێن كەیف و خۆشیێ ب دویماهیهات.

قوتابیان سەرکردایەتیا پێشکێشکرنێن سەر شانۆیێ کر، پێشانگەهـ ئامادەکرن، و پشكداری د پانەلێن گەنگەشێ دا کرن. ئاستێ پشكداریێ ستراتیژیا زانکۆیا دهۆک یا پەروەردەیا پراکتیکی و پشكداریا ب واتا یا قوتابیان بهێزکر.

بەرهەمەکێ پایەبەرز کو بۆ نیشاندانا پرۆژێن قوتابیێن پشكدار د فەستیڤالێ دا هاتبوو دروستکرن رێبەرێ فەستیڤالێ بوو، کو ب كۆپیێن  چاپکری هاتبوو ئامادەکرن ژ لایێ بەڕێز رێبەر روشدی عەبدولقادر، هاریكارێ راگرێ کۆلیژا هونەرێن جوان.

ڤێرە  کلیک بکە بۆ دیتنا رێبەری

📎 خالێن سەرەکی یێن هەڤڕێزیا ستراتیژی یا زانکۆیا دهۆک:

• بهێزکرنا گەنجان ب رێیا هۆنەر و پرۆگرامێن کەلتووری
• باشترکرنا شیانێن نەرم و دەربڕینێ د ژیانا ئەکادیمی دا
• پشتەڤانیکرنا ساڕێژبوونا پشتی-ناکۆکیێ ب رێیا پلاتفۆرمێن داهێنەرانە
• بهێزکرنا هەڤپەیمانیێن ناڤبەرا جڤاک و زانکۆیێ ب رێیا پشكداریا گشتی
• پەرەپێدانا ناسناما کەلتووری یا هەمەگیر و پاراستنا کەلەپووری

ڤێرە كلیك بكە بۆ دیتنا دیمەنێن هەلكەڤتێ

نڤیسینگەها راگەهاندنا زانکۆیێ، ٩ـی گولانا ٢٠٢٥ـێ
 

راپۆرت ژ لایێ: فاطمە محمود علی
 

وێنەگرتن ژ لایێ: محەمەد عەبدولکەریم تاهر، عەلی حەبیب حەبیب

🔍 پەیڤێن سەرەكی:

• فەستیڤالا هونەرمەندێن گەنج یا زانکۆیا دهۆک
• پێشانگەهێن قوتابیێن کۆلیژا هۆنەرێن جوان ل زانکۆیا دهۆک
• هونەرێن کەلتووری یێن کوردی و شانۆیا قوتابیان
• دیتنا ستراتیژی یا زانکۆیا دهۆک د پەروەردا هۆنەری دا
• بهێزکرنا گەنجان ب رێیا دیالۆگا هۆنەری