ئاگەهداری بۆ ئەوان کەسێن تاقیکرنا دیارکرنا ئاستی کری ل ڕوژێن ٧ و ٨ی هەیڤا ٨ لسالا ٢٠٢٣

بتنێ ئەو خانم و بەڕێزێن ل ٧-٨/٨/٢٠٢٣ تاقیکرنا ئاستی کری و هێشتا دەست ب خۆلێن خۆ نەکرین دشێن هەر ژ ئەڤرو ڕوژا چوارشەمبی ڕێکەفتی ٢١/٢/٢٠٢٤ سەرەدانا سەنتەرێ مە بکەن ژ بۆ بدەستڤەئینانا پسوولێ و تومارکرنا وێ د ئەکاونتێن خۆ دا.

خۆلێن فێرکاری دێ دەستپێکەن ب ٢ شێوازان: ئونلاین، و ل ناڤا پوولێ. هەر پشکدارەک بتنێ دشێت ئێک جار ب هەلبژێرت ب چ شێوە خۆلێ وەربگریت. هەلبژارتنا شێوەیێ کورسی ب ڕێکا تومارکرنا داواکاریێ د ئەکاونتی دا دهێتە بجھ ئینان. دەما تۆ داواکاریەکا نوی ڤەدکەی و وێنە و پێزانینێن پسوولێ توماردکەی، دێ هەلبژێرێ ب چ شێواز خولا خۆ تەمام کەی (ئونلاین یان ل ناڤ پوولێ).

تێبینی بۆ وان بەڕێزێن شێوازێ ئونلاین دهەلبژێرن:

- گەهاندنا کورسان:

کوڕس دێ بشێوەیەکێ دیجیتال هێنە ئەنجامدان، و دێ پلاتفورمێ زووم (Zoom) یان ژی تیمز (MS Teams) هێتە بکارئینان.

- ئامیرێن پێویست:

ل سەر پشکدارییە ئامیرەکێ زیرەک یێ گرێدای بهێلا ئینتەرنێتێ ڤە بۆ خۆ دابینکەت بۆ بشکداربوونێ د خۆلێ دا. وەکی: دێسکتوپ، لاپتوپ، موبایل، تابلێت.

- زانیاریێن ئەلکترونی:

ل سەر پشکدارییە زانیاریێن دەستپێکی ل دەف خۆ پەیدابکەتن لسەر چەوانییا بکارئینانا پلاتفورمێ زووم (یان تیمز). وەکی چوون بۆ ناڤ میتینکێ، پرسیارکرن د میتینکێ دا، ڤەکرن و دائێخستنا دەنگ و ڤیدیویێ... هتد.

ژمارا پشکداران:

چ سنوور بۆ ژمارا پشکداران بۆ هەر خۆلەکا ئونلاین نەهاتینە دەستنیشانکرن.

- تومارکرن:

دەزگەهێ IEUK دێ هەمی وانەیان تومارکەت و دێ لینکی بۆ پشکداران ڕەوانەکەت، یان ژی دێ دانتە سەر کەنالێ خۆ د یوتیوبی (YouTube) دا.

- هەلسەنگاندن:

هەلسەنگاندنا ئوتوماتیکی (حەتا کۆ ٧٥٪) بێی ماموستا دهێتە ئەنجامدان. پشکدار د شێن دماوێ خۆلێ دا داخوازا هاریکاریێ بکەن.

- تاقیکرنا دووماهیا کورسی یا هەردوو شێوازان (ئونلاین و دناڤ پۆلێ دا):

تاقیکرنێن دوماهییا کورسی دێ بشێوێ ئەلکترونی هێنە ئەنجامدان ژ لایێ سەنتەرێن زانکۆیان ڤە  و لژێر چاڤدێریا وەزارەتێ دا.

لگەل ڕێزگرتنێ

رێڤەبەریا سەنتەرێ زمانان زانکۆیا دهۆک