شەشەمین کومبوونا جڤاتا کولیژێ
لدور دووەمین کونفرانسێ زانستى یێ نێف دەولەتى جڤاتا کولیژا مە یا پەروەردا وەرزشى دوهی روژا پێنج شەمبى رێکەفتى ( ١٦-٤-٢٠٢٠ ) لدەمژمێر ( ٨:٠٠ ) هەشتى بشەڤ بئامادەبونا بەرێز ( پ.د. احمد قاسم محمد ) راگرێ کولیژێ و سەروکێ کونفرانسى و بحازربونا گشت ئەندامێن جڤاتێ شەشەمین کومبوونا خو بشێوێ ( ئون لاین ) گرێدا پشتى ئامادەبونا بەرێزان سەروکێ لیژنا زانستى و لیژنا ئامدەکار یا کونفرانسى ، پشتى بخێرهاتنێ و داخوازا خو پاراستن و ساخلەمیەکا باش ئامادەبوویان بتێر و تەسەلى بەحس هاتەکرن لسەر دوماهیک خو ئامادەکرن و بەرهەڤیێن دووەمین کونفرانسێ زانستى یێ نێف دەولەتى یێ کولیژا مە یا پەروەردا وەرزشى و ئێکەمێ هەڤپشک دگەل سەنتەرێ ( نون ) یێ ڤەکولین و خواندنا تایبەتمەندى ئەوێ لژێر درویشمێ ( رولێ ڤەکولینا زانستى دبیاڤێ وەرزشى دا و رکابەرێن چەرخى د دیدێن ئەکادیمى دا ) ئەوێ دێ لروژانێن ( ٢١-٢٢/٤/٢٠٢٠ ) بشێوێ ئەلکترونى ( ئون لاین ) هێتە گرێدان هەژی ئاماژە دانێ یە کو د ئەڤێ کومبوونێ دا بریار لسەر دوماهیک بەرنامە و برگ و شێوێ برێڤەچوونا ئەڤی کونفرانسى هاتنە دان پشتى هەمى ئامادەبویا را و بوچوون و پێشنیارێن خو ئێخستینە دگەنگەشێ دا . لدوماهیێ راگرێ کولیژێ دەست خوشى لهەمى ستافێ کونفراسى و ئامادەبوویا کر و هیڤیا سەرکەفتنێ بو خواست .
#پابەندین_برێنمایان #Stay_Home