سوپاسیا هەمی ماموستا و فەرمانبەرێن زانکۆیا دهۆک
دکەم کو هەر ژ رۆژا دەست بکاربونا من بەری هەشت
سالان وەک سەرۆک زانکۆ کو مل ب مل و ب ئێک تیم مە ب هەڤرا کارکریە بو پێشڤەبرنا ئاستێ زانین و زانستی د هەمی بوارەکێ دا ل دەڤەرێ ب رێکا زانکۆیێ. هەر وەسا مە شیا ئاستێ زانکۆیا دهۆک بلند راگرین و ل ناڤەندێن نێڤدەولەتی جهێ زانکۆیێ بلند بدەینە دیارکرن، هەروەسا ب پشتەڤانی و هاریکاریا هەمی لایەنەکی ب تایبەت ماموستا و فەرمانیەر و قوتابیێن خوشتڤی یێن زانکۆیێ رۆژێن سەخت و دژوار، قەیرانێن دسەر دەڤەرا مە دا هاتین مە شیا وان تەنگاڤیان دەرباز بکەین بێی کو کارتێکرن ل ئاستێ خاندن و زانستی ببیت.
دووبارە سوپاس بو وە هەمیان کو مە ب ئێک تیم شیا زانکۆیا دهۆک د هەمی ئاستان دا بەرڤ پێشڤەببەین ل دوماهیێ ژی هیڤی و داخوازیا من ئەوە کو دگەل سەرۆکێ نویێ زانکۆیێ ب هەمان گیان بەردەوام بن هەر وسا پیرۆزباهیێن گەرم ل سەرۆكی زانكۆیی یێ نوی دكەم
پرۆفیسور دکتۆر مصلح دهۆکی
سەرۆکێ زانکۆیا دهۆک یێ خانەنشینکری