ئەڤرۆ ل سەرۆکاتیا زانکۆیا دهۆک ب ئامادەبوونا هەردوو هاریکارێن نوی یێن سەرۆکێ زانکۆیێ و راگرێن نوی یێن کولیژان، ئێکەم کۆمبوونا جڤاتا نوی زانکۆیێ هاتە ئەنجامدان.
د کۆمبوونێ دا زۆربەیا بابەتێن گرنگێن گرێدای رێنمایێن وەزارەتا خواندنا بلند و ڤەکۆلینێن زانستی و رێڤەبرنا نوی و پلانێن زانکۆیا دهۆک بۆ قۆناغێن بهێت بۆ پێشڤەبرنا ئاستێ زانکۆیێ و رێڤەبرنەکا سەرکەڤتی و رەوشا دارایی یا زانکۆیێ و گرنگیا زەلالیێ د هەر بوارەکی دا هاتنە گەنگەشەکرن.
د لایەنەکی دا سەرۆکێ زانکۆیێ ب گرنگی باس ل ڤەکۆلینێن زانستی کر و گۆت "پێدڤیە هەمی ڤەکۆلین گرێدای ئاریشە و پرسگرێکێن هەرێمێ و دەڤەرێ بن ل دویڤ رێنمایێن وەزارەتێ و ستانداردێ ئێکگرتی ژ لایێ زمانی وشێوازێن نڤێسینێ و ناڤەرۆکێ و ئەکادیمی ڤە"، دیار ژی کر "پێدڤیە گرنگیەکا مەزن ب رێنمایێن وەزارەتا خواندنا بلند بهێتە دان". هەروەسا سەرۆکێ زانکۆیێ باس ل گرنگیا هەبوونا سیاسەتان ب شێوەیەکێ نڤیسکی د هەر بوارەکی دا کر.
هەژی ئاماژێ یە ئەڤە کۆمبوونا ژمارە ٤ یا سالا خواندنێ ٢٠٢٢-٢٠٢٣ یا جڤاتا زانکۆیا دهۆکە و ئێکەم کۆمبوونا جڤاتا نوی یا زانکۆیا دهۆکە پشتی ستافێ نوی یێ هاریکارێن سەرۆکێ زانکۆیێ و راگرێن کولیژان دەستبکاربووین.