ل رۆژا چارشهمبی رێكهفتی 11/8/2021، رۆژا ئێكێ ژ كارێ وی وهك سهرۆكێ زانكۆیێ، رێزدار د. داود سلیمان ئهتروشی یهكهمین كۆمبوونا خۆ دگهل ئەندامێن جڤاتا زانکۆیێ ل هۆڵا كۆنفرانسا گرێدا. مهرهما سهرهكی ژ ڤێ دانیشتنێ بهرچاڤکرنا نێرینێن و بوچوونێن سهرۆكێ نوی یێ زانكۆیێ بوو و ههروهسا دهستپێكرنا دیالۆگێ دگهل ئهندامێن جڤاتێ ل سهر رهوشا خاندنێ ل زانكۆیا دهۆك.
ل دەستپێکێ رێزدار سەرۆکێ زانکۆیێ سوپاسی و پێزانینێن خۆ دانه دیارکرن لسەر رولێ بەرێز (پ.د. مصلح محمد سعید)، سهرۆكێ بهرێ یێ زانكۆیا دهۆك، د رێڤهبرنا زانكۆیێ و ههوڵدان بۆ بێشڤەبرنا ئاستێ زانستی یێ زانکۆیێ د دەمێ ٨ ساڵێن بوریدا. ل دیڤدا رێزداری تهكهز ل سهر ئهرك و بهرپرسیارهتیا ئهندامێن جڤاتا زانكۆیێ كر بهرامبهر قۆتابیان و ماموستایان و جڤاكی، و نێرین خۆ دیار كر ل سهر چاوانیا بلندكرنا ئاستێ زانستی و پێشڤهبرنا زانكۆیێ. سهرۆكێ زانكۆیێ نێرینا خۆ د سێ خالاندا دا دیاركر و پاشان نێرین و بوچوونێن ئهندامێن جڤاتێ وهرگرتن و گهنگهشه ل سهر هاته كرن:
1- باشتركرنا كۆالتیا دهرچوویێن زانكۆێ، گرنگیدان ب کوالتیا پرۆسا فێربوون و خواندنێ ل زانكۆیێ ژ بوی بلندکرنا ئاستێ زانستی و رەوشەنبیری یێ قوتابیان ژ بۆ وێ چەندێ دەرچویێن زانکۆیا دهۆک ببنە کەسانێن خودان پێزانین و شارەزایی و ههروهسا خۆدان كهسایهتیهكی لێهاتی بشێت رۆڵهكێ پۆزهتیڤ و كاریگهر دناڤ جڤاکێ دا هەبیت.
2- ڤهكۆلین دخزمهتا چارهسهركرنا ئاریشین وڵاتی و جڤاكی دا، چارەسەرکرنا ئاریشێن لناڤا کەرتێ گشتی یان لناڤا کەرتێ تایبەت ب رێکا ڤەکولینێن زانستی ئەوێن دهێنە ئەنجام دان ژ لایێ ماموستایێن زانکۆیێ و قوتابیێن خواندنا بلند (دکتورا و ماستەر) لەورا پێدڤیە لسەر کولیژان هاندانا ماموستایا و قوتابیێن خواندنا بلند بهێتە کرن.
3- بهرپرسارهتیا جڤاكی، ئهكتیڤكرنا رولێ زانکۆیێ دناڤ جڤاكی دا بۆ کارتێکرنا ئەرینی ل سهر ههمی لایهنێن ژیانێ یێن جڤاكی، دارایی، سیاسی، كولتوری و رەوشەنبیری، و ئاڤاکرنا جڤاکەکێ پێشکەفتی، پێدڤیە زانکۆیێ پەیوەندیێن خورت هەبن دگەل کەرتێ حكومی و تایبهت و ئەنجامدانا پروژێن هەڤپشک و مفاوهرگرتن ژ ههڤدوو.
ل دوماهیكێ راگرێن كولیژان داخاز ژ سهروۆكێ زانكۆیێ كر كو سهرهدانێن مهیدانی بكهتن و دانیشتنێن تایبهت دگهل جڤاتێن كۆلیژا ئهنجام بدهتن. سهرۆكێ زانكۆیێ ژلایێ خۆڤه ئهندامێن جڤاتێ هاندان كو ب روحهكا نیشتیمانپهروهرانه و زێدهتر ههستكرن ب بهرپرسیارهتی ب كارێن خو یێن كارگێری و ئهكادیمی رابن.