ل رۆژا 22/8/2021 سەرۆكێ زانكۆیا دهۆك، رێزدار د. داود سلێمان ئەتروشی، پێشوازی ل بەرێز سەربەست تروانشی، ئەندامێ ئەنجومەنێ سەركردایەتیا پارتی و بەرپرسێ لقا ئێك یا پارتی دیموكراتی كوردستان، و شاندەكێ دگەل دا كر كو ب مەرەما پیرۆزباهی كرنێ ل سەرۆكێ نوی یێ زانكۆیا دهۆك سەرەدانا زانكۆیێ كربوو.
د ڤێ سەرەدانێ دا بەرێز سەربەست تراونشی زانكۆ ب جهەكێ پیرۆز دا دیاركرن و گۆت "مللەتێ مە پێدڤی ب وان كەسان هەیە یێ زانكۆیێ پێشڤەدبەن و بەرەف ئاستێ زانكۆیێن جیهانی پێشبێخن" و پشتەڤانیا خۆ بۆ زانكۆیا دهۆك دیاركر و داخازا سەركەفتنێ بۆ سەرۆكێ نوی یێ زانكۆیێ خاست.
بەرێز سەربەست تروانشی دووپاتی ل سەر وێ چەندێ كر كو پێتڤیە رەوشتێ كارێ ئەكادمی ل زانكۆیێ باشتر بهێنە پەیرەوكرن و خالێن لاواز بهێنە چارەسەركرن.
ژ لایێ خۆڤە سەرۆكێ زانكۆیێ سوپاسییا بەرێز سەربەست تراونشی و شاندا گەل دا كر و گۆت ”هاتنا هەوە پشتەڤانیەكا مەزنە بۆ زانكۆیا دهۆك و ئەو كاری مە ل بەرە بۆ زانكۆیێ ئەنجام بدەین، چونكو پێشكەفتنا زانكۆیێ پێدڤی ب پشتەڤانیا هەمی دامودەزگەهێن حكومی و حزبی هەیە و ب تایبەت پشتەڤانیا پارتی دیموكراتی كوردستان". هەروەسا سەرۆكێ زانكۆیێ دا دیار كرن كو كار دێ هێتە كرن بۆ بلند كرنا كوالەتیا خاندنێ و رێكارێن پێدڤی بۆ پاراستنا دەسپاكیا ئەكادمی دێ هێنە وەرگرتن، و وەزارەتا خاندنا بلند ژی پشتەڤانیا ڤێ پێنگاڤێ دكەت.