گەرا دووێ‌ یا قوتابیێن ماستەرێ‌ دێ‌ ژ پەیمانگەها چارەسەریا دەروونی و چارەسەریا تراومایێ‌ دەرچن

ل رۆژا 13- 15/6/2021 ل سەنتەرێ‌ رەوشەنبیری ل زانكۆیا دهۆك 21 ڤەكۆلینێن ماستەرێ‌ یێن پەیمانگەها چارەسەریا دەروونی و چارەسەریا تراومایێ‌ هاتنە گەنگەشە كرن.
دكتور مەمو فەرحان جێگرێ‌ راگرێ‌ پەیمانگەها چارەسەریا دەروونی و چارەسەریا تروامایێ‌ ل زانكۆیا دهۆك گۆت خاندن ل ڤێ‌ پەیمانگەهێ‌ سێ‌ سالن ب زمانێ‌ ئنگلیزی بۆ دەرچووێن كۆلیژا پزیشكی و پشكێن دەروونی، دیار ژی كر كو ئەڤە گەرا دووێ‌ یە، یا گەنگەشێن نامێن ماستەرێ‌ 2018 مە دەست پێكریە و 29 دەرچووێن مەستەرێ‌ مە هەبوون، ئەڤ سالە 21 نامێن ماستەرێ‌ مە هەبوون، سالا بوی ژبەر بەلاڤبوونا ڤایرۆسێ‌ كۆرۆنایێ‌ ل ئەم نەچاربووین خاندنێ‌ بشێوێ‌ ئونلاین بەردەوامیێ‌ بدەینێ‌.
جێگرێ‌ راگرێ‌ پەیمانگەهێ‌ ئەوژی گۆت ب دەرچوونا ڤان قوتابیان دێ‌ مفایێن باش گەهینتە جڤاكی نە بتنێ‌ رزگاربوویێن دەستێ‌ داعش بەلكو هەر كەسێ‌ ئاریشەكا دەروونی هەبیت دێ‌ مفایەكێ‌ باش ژ ڤان دەرچوویان بینیت.
دكتور مەمو فەرحان هەروەسا گۆت خاندن ل ڤێ‌ پەیمانگەهێ‌ سێ‌ سالن، سالەك گشتی یە و دوو سال ماستەرن، ل رۆژهەلاتا ناڤەراست ئێكەمین پەیمانگەها ب ڤی شێوەی ل زانكۆیا دهۆك یا هەی، ئەڤە ژی حكومەتا ئەلمانا پێشكێشی مە كریە و سێ‌ پرۆفیسۆرێن ئەلمان یێن دڤی بیاڤی ل پەیمانگەهێ‌ دئامادەنە وانان بێژن، دیسا كلینیك هاتیە ڤەكرن بۆ قوتابیێن ژڤێ‌ پەیمانگەهێ‌ دەردچن كو چارەسەریا هەر كەسەكێ‌ ئاریشەكا دەرونی هەی بێ‌ بەرامبەر دكەن، تیمەكا گەرووك ژی هاتیە ئامادەكرن هەر ژ دەرچوویێن ڤێ‌ پەیمانگەهێ‌ كو هەر كەسەكێ‌ ل سنورێ‌ پارێزگەها دهۆكێ‌ شیان نەبن ئەڤ تیمە دێ‌ سەرەدانا وان كەت ژبۆ چارەسەریێن دەروونی هەر بێ‌ بەرامبەر.