سەرۆكێ زانكۆیا دهۆك پرۆفیسۆر د. مصلح دهۆكی ل رۆژا 8/7/2018 پێشوازی ل ئالا عەلی سەرۆكا پشكا پرۆگرامێ هەڤگرتنا جڤاكی ل (undp) كر.
د روینشتنەكی دا كو د. جوتیار محەمەد رەشید رێڤەبەرێ سەنتەرێ خاندنێن ئاشتیێ و چارەسەركرنا ململانێ یێ بەرهەڤ بوو، بەحسێ بزاڤێن زانكۆیا دهۆك كر د بیاڤێ خاندنێن ئاشتیێ و چارەسەركرنا ململانێ دا.
زانكۆیا دهۆك ل سالا 2002 یەكەك ب ناڤێ خاندنێن ئاشتیێ ڤەكربوو و ل سالا 2012 ئەڤ یەكە بوویە سەنتەرێ خاندنێن ئاشتیێ و چارەسەركرنا ململانێ و هەتا نوكە هەماهەنگی كریە د ڤەكرنا سێ گەرێن خاندنا ماستەرێ و گەرەكا خاندنا دبلومێ د بیاڤێ ئاشتیێ و چارەسەركرنا ململانێ دا، هەروەسا زانكۆیێ پشكەكا زانستی ژی ل كۆلیژا زانستێن مرۆڤایەتی ب ناڤێ پشكا خاندنێن ئاشتیێ و مافێ مرۆڤی ڤەكریە.