ب مەرەما ژ نێزیک ئاگەهداربوون ل سەر پرۆسەیا تاقیکرنێن قوتابیێن قوناغا شەشێ و دویماهیێ یێن کۆلیژا پزیشکی کو بۆ ئێکەم جارە ب سیستەمێ لێکخستی(ntegrated system) دهێنە ئەنجامدان، رۆژا پێنجشەمب، رێکەڤتی ١٣ـی خزیرانێ ٢٠٢٤، د. داود سلێمان ئەتروشی سەرۆکێ زانکۆیا دهۆک و د. دلدار حاجی مووسا راگرێ کۆلیژا پزیشکی سەرەدان بنگەهێن تاقیکرنا کر.

دڤێ سەرەدانێ، د. داود ئەتروشی سەرۆکێ زانکۆیێ سۆپاسی و دەستخۆشی ئاراستەی راگری و ماموستا و ستاڤێ کۆلیژا پزیشکی کر، و دیاکر؛ پێتڤیە ب بەردەوامی کار ل سەر ب مۆدێرنکرنا سیستەم و شێوازێن نۆی یێ خواندن و تاقیکرنا بهێتەکرن ب مەرەما زێدتر پێشڤەبرانا شیانێن دەرچوویان.

هەژی گوتنێ یە، کو بۆ ئێکەم جارە کۆلیژا پزیشکی یا زانکۆیا دهۆک تاقیکرنێن پراکتیکی یێن دویماهیێ یێن قوتابیێن قوناغا شەشێ ب سیستەمێ لێکخستی(ntegrated system) بۆ ١٠٢ قوتابیا ئەنجامددەت، کۆ دڤی سیستەمی تاقیکرنێ دا ١٥ بنگەهـ ژ تایبەتمەندیێن جودا و گرنگ وەکو ( نشتەرگەریا گشتی، ئافرت و زارۆکبوون، دل و هناڤ، نەخۆشیێن زارۆکا، نوشداریا خێزانی،…)ل نەخۆشخانا ئازادی یا فێرکرنێ و نەخۆشخانا هیڤی یا زارۆکبوونێ هاتنە بەرهەڤکرن و تاقیکرن لێ هاتینە ئەنجامدان، و قوتابی ل هەر بنگەهەکی ب چاڤدێریا نۆژدارێن بسپۆر یێن زنکۆیا دهۆک ٦ خولەکا مافێ هەیی بۆ ئەنجامدانا تاقیکرنێ.

بۆ دیتنا دیمەنێن ئەنجامدانا تاقیکرنا سەرەدانا لینکێ ل خوارێ بکە:

https://drive.google.com/drive/folders/1b7nPyX-3fQl4bAEni-NOdP9n1wsEdOxc?usp=sharing

راگەهاندنا زانکۆیا دهۆک؛١٥ـی خزیرانێ ٢٠٢٤

حسێن تتمی

فۆتۆ: محەمەد بێسکی