ل ١٠ـی خزیرانا ٢٠٢٤ـێ وەزارەتا خواندنا بلند و ڤەکۆلینێن زانستی ب هەماهەنگی ل گەل سەنتەرێ ڤەکۆلینێن یاسایی و رامیاری ل کۆلیژا یاسا یا زانکۆیا دهۆك وۆرکشوپەك ل ژێر ناڤ و نیشانێن “رۆلێ سەنتەرێن ڤەکۆلینێن زانستی یێن زانکۆیێن هەرێما کوردستانێ دبەرەف پێشڤەبرنا ڤەکۆلینێن زانستی“ هاتە ئەنجامدان ب ئامادەبوونا د. داود سلێمان سەرۆکێ زانکۆیا دهۆك و د.ژالە سەعید خطاب نوینەرا وەزارەتا خواندنا بلند و ڤەکۆلینێن زانستی، رێڤەبەرا گشتی یا ڤەکۆلین و پەرەپێدانێ.
ئەڤ وۆرکشۆپە ژ دوو روینشتنان پێکهات، کو روینشتنا ئێکێ ل ژێر ناڤ و نیشانێن "دەرفەتێن بەردەم سەنتەرێن ڤەکۆلینێن زانستی ل زانکۆیان د بەرەڤ پێشبرکرنا ڤەکۆلینێن زانستی" کو ژلایێ د.رێنجبەر جەمیل شێخۆ ڤە هاتە برێڤەبرن.
تەوەرێن روینشتنا ئێکێ ئەڤەبوون، "رۆلێ سەنتەرێن ڤەکۆلینێن زانستی د گرێدانا ڤەکۆلینا ب ئاریشە و گرفتێن جودا جودا یێن کەرتێ گشتی و کەرتێ تایبەت ل هەرێما کوردستانێ" ژلایێ د. سەمیر مستەفا حمد ل زانکۆیا سۆران ڤە هاتە باسکرن، دانوستاندن ل دۆر "چاوانیا مفا وەرگرتن ژ فەندیا نیڤدەولەتی و ناڤخۆیی بۆ سەنتەرێن ڤەکۆلینین زانستی ل زانکۆیێن کوردستانێ" ژلایێ د. ئەسعەد محەمەد ل زانکۆیا گەرمیان ڤە هاتە کرن، هەروەسا" ئەزموونا کارکرنا سەنتەرێن ڤەکۆلینێن زانستی ل زانکۆیێن پێشکەفتی یێن جیهانێ" ژلایێ د. شاخەوان عبدولرەحمان مستەفا ل دەستەیا کوردستان بۆ خواندنێن ستراتیژی و ڤەکۆلینێن زانستی هاتە گوتۆبێژ کرن.
هەر د ئەڤێ وۆرکشۆپێ دا و د روینشتنا دووێ، ل ژێر ناڤ و نیشانێن" بەربەستێن هەمبەر سەنتەرێن ڤەکۆلینێن زانستی ل زانکۆیێن د بەرەڤ پێشبرکرنا ڤەکۆلینێن زانستی" کو ژلایێ د. رەنج سیروان عبدوللا ڤە هاتە برێڤەبرن.
تەوەرێن روینشتنا دووێ ئەڤەبوون، دانوستاندن ل دۆر "هەیکەلیا کارگێریا سەنتەرێن ڤەکۆلینێن زانستی ل زانکۆیێن هەرێما کوردستانێ" کو ژلایێ د. شەهین عبدوللا ل زانکۆیا دهۆك هاتە کرن"داهات و لایەنێ دارایی یێ سەنتەرێن ڤەکۆلینێن زانستی ل زانکۆیێن هەرێما کوردستانێ" کو ژلایێ د. ئەحمەد سالح محەمەد ل زانکۆیا سلێمانیێ ڤە هاتە باسکرن، هەروەسا "ئامادەکرنا پەیرەوێ ناڤخۆ بۆ سەنتەرێن ڤەکۆلینێن زانستی ل زانکۆیێن کوردستانێ" کو ژلایێ د. کارزان عبدالمحسن محەمەد ل زانکۆیا سەلاحەددین ڤە هاتە باسکرن.
ل دووماهیێ گۆتوبێژ ل سەر تەوەرێن بابەتێ وۆرکشۆپێ هاتە کرن، ئەنجامێن وۆرکشۆپێ هاتنە گوتۆبێژ کرن و چەند پرسیار هاتنە کرن و بەرسڤ هاتنە دان ژلایێ ئامادەبوویان ڤە.
ڕۆندک فاضل
فۆتۆ: عەلی بانکی