سەرۆکێ زانکۆیا دهۆک، د. داود سلێمان ئەتروشی و ب ئامادەبوونا هاریکارێن سەرۆکێ زانکۆیێ ، د. لقمان هادى حسن، د. دلشاد عبدولجبار، د. نەبەز ئیبراهیم كومبوونەك ل گەل جڤاتێن كۆلیژا و رێڤەبەری و سەنتەرێن زانکۆیا دهۆک ل هۆلا کونفرانسا ل زانکۆیا دهۆک، ل رۆژا دووشەمبی رێکەڤتی ١ـی تيرمەهێ ٢٠٢٤ ئەنجامدا.
ل دەستپێکێ د. داود ئەتروشی سوپاسی يا جڤاتێن كۆلیژا و رێڤەبەری و سەنتەرێن زانکۆیا دهۆک كر، بۆ كاركرنا وان یا بەردەوام د پێشئێخستنا ئاستێ کارکرنێ ل زانکۆیا دهۆک.
ل دویڤ دا سەرۆكێ زانكۆیا دھۆك ئاماژە ب دوو خالا دا، خالا ئێكێ؛ ئەو کار و خزکەتگوزاریێن د ئەڤ سالە دا ب مەرەما پێشئێخستنا زانكۆیێ و ئاستێ ئەکادیمی هاتینە ئەنجامدان، دیسان ئەو كارێ زۆر یێ ژ لایێ كارگێری هاتیەکرن د بوارێ كێمكرنا خەرجیا و ڤەكرنا ھژمارەكا زۆر یا خۆلا بۆ دەرچویێن زانكۆیێ، دیسان ئەنجامدانا دەھان ڤەكۆلینێن ئەکادێمی بۆ چارەسەرکرنا ئاریشێن جڤاکی، زێدەباری پێكئینانا پەیوەندیێن باش ل گەل زانكۆیێن بیانی و ب دەستڤەئینانا پرۆژەیێن مفابەخش بۆ زانكۆیا دھۆك. د خالا دووێ یا كۆمبوونێ دا، سەرۆكێ زانكۆیێ ئاماژە ب پلانێن سالا نوی یا خواندنێ و شێوازێ ب رێڤەبرنا سیاسەتێن زانكۆیێ دا، دیسان چەوانیا ئاڤاکرنا بنیاتەکێ باش بۆ زانكۆیا دهۆک و پێشئێخستنا بۆلۆنیا پرۆسێس و تەكەزکرن ل سەر سیستەمێ دلنیا جوریێ.
ل دویڤ دا سەرۆکێ زانکۆیێ تەکەز ل سەر بجهئینانا پلانا ستراتیژی یا زانکۆیا دهۆک کر و گوت "پێدڤی یە ئەم رێزێ ل بھا و پیرۆزیێن زانكۆیێ بگرین ل سەر بنەمایێ رێزگرتن، یەکسانی، دەستپاکیا ئەکادیمی، دادپەروەرى و دلسۆزی.
ل دویماھیا كۆمبوونێ گەنگەشەیێن رژد دناڤبەرا ئامادەبوویا و سەرۆكاتیا زانكۆیێ دا ل دۆر تێبینی و سەرنج و پێشنیارێن وان بۆ پێشئێخستنا بوارێ ئەکادیمی و چەوانیا پێشڤەبرنا زانكۆیا دھۆك ھاتنە كرن.
ھەژی ئاماژەدانێ یە، سەرۆكاتیا زانكۆیا سالانە ڤان جۆرە كۆمبوونا ئەنجام ددەت، ب مەرەما پێشئێخستنا كارێ کۆلیژ و رێڤەبەری و سەنتەرێن زانكۆیا دھۆك و پێشكێشكرنا باشترین خزمەت، زێدەباری ئاگەھداربوونا تمام ژ كار و چالاكیێن کۆلیژ و رێڤەبەری و سەنتەرێن زانکۆیا دهۆک و مفا وزەرگرتن ژ فیدباکێ وان.
راگەهاندنا زانکۆیا دهۆک؛ ٢ـی تيرمەهێ ٢٠٢٤
نيبارێ حجی
فۆتۆ: هەرمان جانگیر