سەرۆكێ زانكۆیێ سەرەدانا ھولێن وه‌رگرتنا قوتابیان كر

ل رۆژا 2020/9/16 سەرۆكێ زانكۆیا دھۆك پرۆفیسور د. مصلح دھۆكی دگەل دا ھاریكارێ سەرۆكێ زانكۆیێ بۆ كاروبارێن قوتابیان د. مێڤان عارف سەرەدانا ھولێن تاقیكرنێن پێشكێشكارێن پشكا ھونەرێن شێوەكاری ل کۆلیژا زانستێن مرۆڤایەتی كر.
دڤێ سەرەدانێ دا سەرۆكێ زانكویێ ژ نێزیك ئاگەھ ژ رەوشا قوتابیان بوو، کو تاقیكرن ب شێوێ پراكتیكی و تیوری ھاتە ئەنجامدان و دێ ژلایێ لژنەكا بسپور ژ مامۆستایێن پشكێ ڤە ھێتە ھەلسانگاندن و ل نێزێك دێ ئەنجام ھێنە راگەھاندن.
دھولێن تاقیكرنێ دا ھەمی رێنمایێن تەندرۆستی ب شێوەیەكێ رێكخستی ھاتبوونە بەرھەڤكرن و پابەند بوون ب رێنمایان.
ئەڤە قوتابیێن ھاتینە د تاقیكرنێدا یێن شەشێ ئامادەیی و دەرچوویێن پەیمانگەھا ھونەرێن جوان بوون و رێژەكا مەزن پێشكێشی ڤێ پشكێ كریە.
بۆ زانین ل رۆژا 2020/9/17 ژی ل دەمژمێر نەهی سپێدێ دێ تاقیکرن ب وان قوتابیان هێتە کرن ئەوێن پێشکێشی خاندنا ئێڤاران کرین.