ب مەرەما پەیداكرنا دەلیڤێن كاری زانكۆیا دهۆك هەمی گەنجان و ب تایبەتی دەرچوو و قوتابیێن زانکۆیا دهۆک ئاگەهدار دكەت، كو سوباهی رۆژا دووشەمب، رێكەڤتی 10ـی خزیرانێ، 2024 ل دەمژمێر 10:00ـی سپێدێ تاکو 04:00ـی ئێڤاری، ل سەنتەرێ كۆنفرانسان ل زانکۆیا، پێشانگەها دەلیڤێن کاری دێ هێتە ڤەکرن.
ئەڤ پێشانگەهە، ب پشکداریا ٦٩ کۆمپانی و رێکخراو و سازیێن جودا دێ هێتە ڤەکرن کو تێدا دێ نێزیکی ٢٧٧ دەلیڤێن کاری د بیاڤ و بسپۆریێن جودا دا دێ هێنە پێشاندان.
هەروەسا ئەڤ پێشانگەهە دێ بیتە رێكەك بۆ هەڤگەهاندنا گەنجان دگەل خودان كار و كۆمپانیان د بیاڤێن جودا دا وپەیداكرنا دەلیڤەیێن چاڤپێكەفتن و دانوستاندنێ د ناڤبەرا وان دا.
هەژى گۆتنێ یە کو ئەڤ پێشانگەهە ژ لایێ سەنتەرێ پەرەپێدانا کارى ل زانکۆیا دهۆک (CDC) ب هەڤکارى ل گەل رێکخراوا ئەنجومەنێ پەنابەران یێ نەرویجى(NRC) دێ هێتەڤەکرن.
راگەهاندنا زانکۆیا دهۆک : ٩ـى خزیرانێ ٢٠٢٤
فاطمة محمود