ل ١٣ـێ گۆلانێ ٢٠٢٤، ل سەنتەرێ رەوشنبیری و چڤاکی ل زانکۆیا دهۆك، و ب ئامادەبوونا د. سعید خودێدا علو، راگرێ کولیژا زانستێن مروڤایەتی، و بەرێز کەیفی مستەفا علی، رێڤەبەرێ گشتی یێ شینواران ل هەرێما کوردستانێ، و ب بەشداریا ژمارەکا بەرچاڤ ژ بسپۆر و شارەزایێن بیانی و ناڤخۆیی د بۆارێ شینوارناسیێ دا "ديدارا زانستی ل دۆر شكەفتا شانەدەر" یا کو ژ ڤەکۆلینێن پرۆڤیسۆر گرایم بارگێر سەرۆکێ تیما زانکۆیا کامبرێدج ل هەرێما کوردستانێ و د. کیما یومێروی پێکهاتبوو، ل پشکا شینواران ل کولیژا زانستێن مروڤایەتی یا زانکۆیا دهۆك هاتە ئەنجامدان.
ل دەستپێکێ، د. سعید خودێدا، دەست خۆشی ل پشکا شینواران کر بۆ ئەنجامدانا ڤێ چالاکیێ و گوت ئەم سوپاسیا رێڤەبەریا شینواران ل پارێزگەها دهۆک و تیمێ شینوارناسیێ ل زانکۆیا کامبرێدج دکەین بۆ هاریکاریێن وان د بوارێ زانستی دا و ئەنجامدانا ڤەکولینێن زانستی د بوارێن شینواراندا،
پرۆڤیسۆر گرایم بارگێر سەرۆکێ تیما زانکۆیا کامبرێدج ل هەرێما کوردستانێ باس ل چەوانیا ڤەدیتنا هەستیێن پەیکەرێ مروڤێ نیاندرتال ب تایبەتی کولوخکێ سەرێ مروڤێ شانیدەر، و چەوانی یا نویژەنکرنا کولوخکێ سەرێ وی کر. ل دویڤ دا، د. کیما یومێروی باس ل گرنگیا شکەفتا شانەدەر و ئەنجامێن کارێ زانکویا کامبرێدج کرن د کارێ لێکولینا شینواری دا ل شکەفتا شانەدەر .
بەرێز کەیفی مستەفا، رێڤەبەرێ گشتی یێ شینواران ل هەرێما کوردستانێ، باسێ گرنگی یا شکەفتا شانەدەر کر و گوت شکەفتا شانەدەر سەروەتەکێ گەلەگ گرنگێ شینواری و دیرۆکی یە بۆ هەرێما کوردستانێ و گۆت ژی سوپاسیا تیما زانکۆیا کامبرێدج دکەین بۆ هاریکاریا وان دگەل مە دا .
و ل دوماهیێ ژی سوپاسی و خەلاتێن رێزگرتنێ هاتنە پێشکێشکرن ب سەر پشکداران دا.
بۆ دیتنا وێنان سەرەدانا لینكێ ل خوارێ بكە
https://drive.google.com/drive/folders/1ePmCpgYnNM23HBELf9UZTJw-coNE-9PG?usp=drive_link
راگەهاندنا زانکۆیا دهۆك؛ ۱۳ـێ گۆلانێ ٢٠٢٤
نیبارێ حەجی
فۆتۆ: هەرمان جانگیر