ژێگر زەكی ئەحمەد، دەرچوویێ ئێكی لسەر پشكا خو ل كولیژا ئەنداریاری ل زانكۆیا دهۆك گۆت: پشتی من زانكۆیا دهۆك ب دووماهیك ئینایی بەرەڤ وەلاتێ بریتانیا چووم بۆ بەردەوامی دان ب خواندنا ماستەرێ.
ژێگر زەكی گۆت ژی: ئەز ل زانكۆیا (Surrey University) ل وەلاتێ بریتانیا ب بەرنامەیێ (لێژنا بلند ژبۆ پێشڤەبرنا خواندنێ ل عیراقێ –-HCED اللجنە العلیا لتگویر التعلیم فی العراق) هاتمە وەرگرتن، ئەڤ بەرنامە هەماهەنگی یە دناڤبەرا حكومەتا عیراق و حكومەتا هەرێما كوردستانێ دا.
بۆ سالا خواندنێ 2015- 2016، نیزیكی 20 قوتابیان دبوارێ پرادا پشكداری خواندنا ماستەرێ بوون ل زانكۆیا ناڤبری و ئەز بتنێ كورد بووم و شیام ب بلا هەرە باش ماستەرا خویا لژێر ناڤێ (Msc. Bridge Engineering) بدەست ڤە بینم و ئەڤ زانكۆیە ل پلا چوارێ لسەر زانكۆیێن بریتانی دئێت لسەر پیڤەرێ The Guardian University Guide 2017 وەكی ژێگر زەكی گۆتی.
مامۆستایێ زانكۆیا دهۆك گۆت ژی: ئێكەم مامۆستا مە ژی دڤی بواریدا ل زانكۆیا دهوك و بەرهەڤم وەك وانەبێژ ل زانكۆیا خو كار بكەم و هەر پرۆژەك هەبیت خزمەتا باژێرێ من ژی بكەت بەرهەڤم لدووڤ پیڤەرێن زانستی و یێن من خواند كار تێدا بكەم.
راگەهاندنا زانكۆیا دهۆك، هەلز عەلی سەلیم