Future of KRG relations' with the Bahgdad
Feb. 21, 2017, 3:34 p.m.

پاشەرۆژا پەیوەندیێن هەرێما كوردستانێ‌ دگەل بەغدا بەرەڤ كیڤە؟ روونشتنەكا ڤەكری ل زانكۆیا دهۆك هاتە بەحسكرن.

ب بەرهەفبوونا سەرۆكێ‌ زانكۆیا دهۆك پ.د. مسلح محەمەد سەعید دهوكی و مامۆستا و قۆتابیێن زانكۆیێ‌ و پشكدار بوونا ئەندام پەرلەمان و سیاستمەداران، روونشتنەكا ڤەكری ژلایێ‌ سەنتەرێ‌ بیشكجی بۆ ڤەكۆلینێن مرۆڤایەتی هاتبوو رێكخستن لسەر "پاشەرۆژا پەیوەندیێن هەرێما كوردستانێ‌ دگەل بەغدا بەرەڤ كیڤە؟" ل هۆلا كونفراسان پرێڤەچوو.

لدەسپێكێ‌ پەیڤا سەرۆكێ‌ زانكۆیێ‌ هاتە خواندن كۆ ئاماژە دا وێ‌ چەندێ‌ كۆ ژ ئازادیا عیراقا فیدرال تا نوكە وەكی پێدڤی كەسێن پسبور نەشیاینە بشێوەكێ‌ دەستوری و قانونی عیراقێ‌ ب پارێزێن، سەرەرایی هەولێن سیاستمەداران نەشیاینە وەكو پێدڤی كنترۆلێ‌ لسەر رەوشا سیاسی و ئارامیا دەڤەرێ‌ بكەن تا تیرۆرستێن داعشێ‌ چەندین دەڤەر داگیركرین، كۆ تا نوكە چەندین كێشە دناڤبەرا هەرێما كوردستانێ‌ و حكومەتا بەغدا دا دهەلاویستیە و نوكە ژی بزحمەتە ئەو كێشە جارەسەر بن ژ بەر شەرێ‌ دژی تیرۆرێ‌.

كۆ ئەڤ روونشتە ب دوو پەنەلا پێك دهات، پەنەلێ‌ ئێكێ‌ لسەر (پەیوەندیێن هەرێمێ‌ و بەغدا ژلایێ‌ سیاسی ئابۆری ڤە)، كۆ پێنچ بابەت ب تێر و تەسەل هاتنە بەحسكرن ئەو ژی: "جارەنفیسێ‌ هەرێمێ‌ دگەل بەغدا" ژلایێ‌ پەرلەمانتار خسرو گۆران ڤە هاتە بەحسكرن، بابەتێ‌ "پرسا ئابۆری و بۆدجەیا پێشمەرگەیی" ژلایی پەرلەمانتار جەمال كوجەر ڤە هاتە شرۆڤەكرن، و "دیتنا دەستوری بۆ جارەنفیسێ‌ هەرێمێ‌ دگەل بەغدا و پرسا پێشمەرگەیی" ژلایێ‌ مامۆستا زانكۆیێ‌ د. ئەڤین خالد ڤە هاتە بەحسكرن، "كوردستان و مفا وەرگرتن ژ جارەسەریێن بەنكا ناڤەندی- عیراق" ژلایێ‌ مامۆستایێ‌ زانكۆیا دهۆك د. رێبەر فەتاح ڤە هاتە شرۆڤەكرن و بابەتێ‌ "شرۆڤەكرنەكا ئەكادیمی بوو پەیوەندیێن هەرێمێ‌ و بەغدا" ژلایێ‌ مامۆستایێ‌ زانكۆیێ‌ د. سەردار موسا ڤە هاتە بەحسكرن" و ژلایێ‌ مامۆستایێ‌ زانكۆیێ‌ عادل حەسەن رەشید ڤە هاتە پرێڤەبرن.

پەنەلێ‌ دوویێ‌ لژێر ناڤ و نیشانێن (جارەنڤیسێن دەڤەرێن كوردستانی یێن دەرڤەیی هەرێما كوردستانێ‌)، كۆ چەندین بابەت بخۆڤە گرتن، ئەو ژی "هەڤركییا سیاسی ل سەر دەڤەرێن دەرڤەریی هەرێما كوردستانێ‌" ژلایێ‌ پەرلەمانتار محسن عوسمان ڤە هاتە بەحسكرن، "جارەنڤیسێ‌ دەشتا نەینەوە" ژلایێ‌ پەرلەمانتار د. فارس سەدیق ڤە هاتە شرۆڤەكرن، "جارەنڤیسێن دەڤەرێن دەرڤەیی كوردستانێ‌ پشتی داعش" ژلایێ‌ مامۆستایێ‌ زانكۆیێ‌ عەبدالسلام بەرواری ڤە هاتە بەحسكرن، و "دیتنا لایەنێن سیاسی بۆ كێشا دەڤەرێن دەرڤەیی هەرێمێ‌" ژلایێ‌ مامۆستایێ‌ زانكۆیێ‌ د. هەوار نێروەیی ڤە هاتە شرۆڤەكرن و لدووماهیێ‌ بابەتێ‌ "دیتنا ڤەكۆلینێن ئاشتیێ‌ بۆ جارەسەركرنا دەڤەرێن دەرڤەیی هەرێمێ‌"  ژلایێ‌ مامۆستایێ‌ زانكۆیێ‌ عەنان یوسف ڤە هاتە شرۆڤەكرن و ئەڤ پەنەلە ژلایێ‌ ماموستایێ‌ زانكۆیێ‌ رێنجبەر بامەرنی ڤە هاتە پرێڤەبرن.

راگەهاندنا زانكۆیا دهۆك: هەلز عەلی سەلیم