A statue for Dr. Ismail Beşikçi at UoD
April 15, 2019, 4:16 p.m.

ل رۆژا 14/4/2019 ل كەمپێ‌ زانكۆیا دهۆك پەردە ل سەر پەیكەرێ‌ نڤیسەر و دوستێ‌ گەلێ‌ كورد د. ئیسماعیل بێشكچی هاتە لادان، كو ژ لایێ‌ سەنتەرێ‌ بێشكچی بۆ ڤەكۆلینێن مرۆڤایەتی ل زانكۆیا دهۆك ئەڤ پەیكەرە هاتیە دانان و ژلایێ‌ هونەرمەندێ‌ شێوەكار شیراز عەزیز ڤە هاتیە چێكرن.

ل رێورەسمێن لادانا پەردەی كو د. ئیسماعیل بێشكچی بخۆ یێ‌ بەرهەڤ بوو، سەرۆكێ‌ زانكۆیا دهۆك پ. د. مصلح دهۆكی د پەیڤەكی دا گۆت زانا و نڤیسەرێ‌ ناڤدار و دوستێ‌ گەلێ‌ كورد (د. ئیسماعیل بێشكچی) ئەوێ‌ ناڤدار ب خودانێ‌ پێنوسێ‌ زێرین و گەهاندنا پەیاما راستیێ‌ كو شیایە دوزا رەوایا گەلێ‌ مە ب نڤیسینێن خۆ بگەهینیتە پترین رێژا خواندەڤانان، هەروەسا ئەڤ زانایە چەندین جاران سەرا ڤان نڤیسینێن خۆ هاتیە ئەشكەنجە دان و زیندان كرن، بەلێ‌ هەر دەست ژ گەهاندنا پەیاما خۆ بەرنەدایە لەورا ئەڤرۆكە مە ئەڤ پەیكەرە بۆ دانایە وەكو رێزگرتن ل شیان و ماندیبوونا ڤی زانانایێ‌ دوستێ‌ گەلێ‌ كورد، كو چەند بۆ بهێتە كرن قەرەبویا وان سالێن ژیێ‌ گەنجاتیا وی د زیندانێ‌ ڤە بۆراندین ناهێنە كرن، بەلێ‌ ئەڤە وەكو وەفاداریەك ئەڤ پەیكەرە بۆ هاتیە دانان.