Seminars
بەرێزان (پ.هـ.د. ابراهیم موسى ابراهیم)و(م.د. وارهیل عاصم محمد ) لژێر ناڤ ونیشان گرنگیا وانا پەروەردا جەستەیی لقوتابخانا (مفایێن جەستەیی ودەرونى) لرێکەفتى (16-5-2023) وورک شوپەک گێرا لسەنتەرێ (گەشەپێدان ودیدەڤانى)
هەژی گوتنێ یە وانا پەروەردا جەستەیی ل قوتابخانا گرنگیا وێ د دوو چەقێن سەرەکی دا دیاردبیت :
ئێک:گرنگیا وانێ و شێوازێ زانستی یێ درووست یێ برێڤەبرنێ.
دوو:کاریگەریا وانا پەروەردا جەستەیی لسەر جەستەو دەروونێ قوتابی.
لەورا کولیژا مە یا پەروەردا جەستەیی و زانستێن وەرزشی بفەر دیت پلانەکا دریژ خایەن دارێژیت بو موکمکرنا هەڤکاری و گەشەپێدانا وانا پەروەردا جەستەیی ل قوتابخانا دگەل رێفەبەریا پەروەردا دهوک ،و ئێکەم پێنگاف بو پەیرەوکرنا ڤێ پلانێ مە ب ورکشوپەکی دەست پێکر ،دڤی ورکشوپی دا مە بفەر دیت هەردوو تەخێن پەروەردێ بەشداربن،تەخێ ئێکێ (ریڤەبەرێن قوتابخانا) ،ئامادەبوونا رێڤەبەرا ل ورکشوپی زەنگینیەکا هزری و زانستی پەیداکر و هەروەسا ئەڤێ تەخا گرنگ دەستهەلات هەیە بو گهورینێ و برێفەبرنێ لەورا ئامادەبوونا وان جهێ مفایی بوو, تەخا دووێ کو ماموستایێن وانا پەروەردا جەستەیی بوون ،چونکی وان پەیوەندیەکا ئیکسەر هەیە لسەر ڤێ وانێ و قوتابیا لەورا هاتن داخازکرن دا مفا ژ هزرو سەربورا وان بهێت وەرگرتن بو پێشخستنا وانا پەروەردا جەستەیی.
هەژیە بێژین کو ئەڤ ورکشوپە دێ بیتە ئەگەرەکێ کاریگەر لسەر دیتنا هندەک رێکێن گونجایی بو چارەسەرکرنا وانا پەروەردا جەستەیی ل قوتابخانا. هەروەسا پێتڤییە ئاماژێ بدەینە وێ چەندێ کو بارودوخێ وانا پەروەردا جەستەیی یل ئاستەکێ خراب و نە ئارادا. لەورا ئەم ب ئەرکێ خوە دبینن وەکی کولیژا پەروەردا جەستەیی و زانستین وەرزشی کو خەباتێ بکەین بو باشترکرنا بارودوخێ ڤێ وانێ و ئارستەکرنا وی بەرەف ئاستەکێ بلنتر و باشتر .دەرئەنجامێ فی ورکشوپی جەندین ئاریشەو چارەسەری هاتنە دانوستاندکرن ،برەنگەکێ باش شلوفا بابەتی ژ لایێ ئامادەبوویا ڤە هاتە کرن.
-دەرەنجامێن ورکشوپی:
لدەستپێکێ بابەتێ وان ئاستەنگا هاتە کرن یێت بنە ئەگەرێ نەپێشڤەچوونا وانا پەروەردا جەستەی ل قوتابخانا لگور نێرینا ریڤەبەرو ماموستایان:
1-قوتابخانا برەنگەکی گشتی کێشە د کێمیا دەمی دا هەیە،وانا پەروەردا جەستەیی دوو جاران دهێتە گوتن و ئەڤ چەندە کارتێکرنێ لڤێ وانێ دکەت و هەروەسا قوتابیان ژی.زێدەباری ڤی چەندێ ئەو داهاتیی بو ڤێ وانێ ژی دهێتە دەست نیشانکرن ب چ رەنگان پێداویستیێن فێ وانێ پێناهێنە دابین کرن.
2-ژ خالێن دن یێن گرنگ ،کێمی د هەژمارا ماموستایان دا ،مەبەست ئەو ماموستایێن وەرزشی نە یێن تایبەتمەند کو تایبەتمەندیا وان وەرزش،
ئەڤە بوویە ئەگەرەک کو گەلەک جاران وانا وەرزشی دهێتە گوتن ژ لایێ هندەک ماموستایین نەپسپور فە لەورا گرنگی ناهیتە دان بشێوەکێ درووست و زانستی ب وانا پەوروەردا جەستەیی و بزەحمەتە پەیداببن.
3-ژیرخانا وەرزشی د قوتابخانا دا ئێک ژ ئاریشێن گەلەک بەرچاڤة یێت کو زوربەیا قوتابخانا هەی، لەورا دەمێ ژێرخانە نەبیت ئێدێ زور یا بزەحمەتە کو ئەف وانە بهێتە گوتن و مافێ خوەیێ دروست وەرگریت و هەوردوو تەخێن بەشداربووی تەکەز لڤێ چەندێ کر ،و هەروەسا ئاماژە ب وێ چەندێ کر کو یاریگەهـ و هولین وەرزشی زور د کێمن ل قوتابخانا و ئو ئەوێن هەین ژی سەخبیری ناهێتەکرن و ئەڤ چەندە ئاستێ وەرزشی زور لاواز کریە ل قوتابخانا.
4-پروگرامێن خاندنا وانا پەروەردا جەستەیی ل قوتابخانا ژ ئاریشێن بەرچاڤ بو یێن کو بەشداربوویا ئاماژە پێ کری ،کو نەبوونا پروگرامێن خاندنێ یێن زانستی و گونجایی ل قوتابخانا کارتێکرنەکا مەزن لسەر وانا پەروەردا جەستەیی کریە،زێدەباری ڤێ چەندێ وانا پەروەردا جەستەیی ناهێتە هەژمارتن بو تاقیکرنێن ویزاری و ئەفێ چەندێ گرنگیا وێ د چاڤێن قوتابیان دا دابەزاندیە و کارتێکرن لسەر وەرارا قوتابیان کریە بو بەشداریکرنێ دڤێ وانێ دا ،چونکی دزانن مفایی ژێ نابینن وەکو پروسیسا نمرا د ماوێ خاندنێ دا.
5-هەروەسا ئامادەبوویا دووپات ل هندێ کر کو نەگرنگی دانا جڤاکی ب وانا پەروەردا جەستەیی کێشەیەکە ئەم روژانە هەست پێ دکەین ،نموونە:
-زور بەیا دایک و بابا پالدەرو هاریکارنینن کو زاروکێن وان بەشداریەکا باش د وانا پەروەردا جەستەیی بکەن.
-ئاستەنگێن خێزانی هەنە بو کرنا بەر یا جلو بەرگێن وەرزشی ل دەمێ وانا پەروەردا جەستەیی ب تایبەت بو کچان ،چونکی هندەک ژ دایک و بابا حەز ناکەن زاروکێن وان جلێن وەرزشی لبەر بکەن ،هەوەسا بزەحمەتە کور ژی جل و بەرگا پەیدا بکەن چونکی گەلەکا لایەنێ وان یی ئابووری یێ گونجایی نینە.
-هندەک جڤاک گرنگی یێ ب وەرزشێ نادەن،لگور هزرا بەشدار بوویا هێشتا جڤاکێ مە ل وی ئاستی نینە وانا وەرزشێ ب یەکسان ببینیت وەک وانێن دی.
-پێشنیارێن رێڤەبەرو ماموستایان بو چارەسەرکرنا ڤان کێشێن هاتینە دیار کرن وەک دەرئەنجامێن ڤی ورکشوپی:
1-پاراستن لسەر ئەنجامدانا وانا پەروەردا جەستەیی ب چ رەنگی هەبیت و دویر ژ بارودوخێ هەیی ئەڤ چەندە دێ بیتە خالا ئێکێ یا پویتەدانێ و ناچێبیت وانا پەروەردا جەستەیی بهێتە گهورین ب چ وانیت دی ل قوتابخانێ لژێر ئەگەرێ وانا دی نەهاتە تمام کرن، و دویر کرنا ماموستایێ وەرزشی ژ کارێن رێڤەبەری و بتنێ کارێ خوە وەک ماموستایێ پسپور ئەنجام بدەت،زێدەباری ڤێ وانا پەروەردا جەستەیی نەهێتە گهورین دگەل وانێت دی، هەورەسا نەهێتە پاشئیخستن و بدانن وانا دوماهیکێ.
2-دامەزراندنا ماموستایێن وەرزشی ل قوتابخانا دێ کێشەکا مەزن چارە کەت ئەو ژی نەرابوونا هندەک ماموستایێن نەپسپور ب گوتنا وانا پەروەردا جەستەیی ، هەروەسا پر کرنا هندەک جهێن کو پێویستى ب ماموستایێن وەرزشی هەیی دێ هێتە بەرهەڤ کرن.
3-وەبەرهێنان بهێتەکرن د ژێر خانەیا وەرزشی ل قوتابخانێ دا، ژ چێکرن و دروستکرنا یاریگەهـ و هولێن وەرزشی و هەوەسا سەخبیریکرنا وان ژێرخانا ئەوێن کو پێتڤیاتی پی هەی.،دا ماموستا ب هەماهەنگی دگەل رێڤەبەرا بشێن وانا پەروەردا جەستەیی ب رەنگەکێ زانست بگەهینن قوتابیان.
4-بەشداریکرنا دایک و بابا د پروسێسا گوتنا وانا پەروەردا جەستەیی ل قوتابخانا،ئەوژی برێکا هاریکاریکرنا زاروکێن خوە کو بەشداری بکەن برەنگەکێ خورت ، و پێتڤییە قوتابخانە کومبوونێن تایبەت بو دایک و بابێن زاروکا ڤەکەن لسەر گرنگیا وانا وەرزشی بو زاروکێن وان و راستڤەکرنا هندەک تیوری و هزرین شاش کو وانا پەروەردا جەستەیی کارتێکرنەکا نەرێنی لسەر زاروکێن وان دکەت ، کو ژ رویەکێ زانستی ڤە چ بنەما بو نینن بەلکو پێچەوانە گرنگیێن وێ زور لسەر هەمی ئاستان هەنە.
5- پێتڤییە ماموستایێن وەرزشی چالاکیێن وەرزشی ێن جوراو جور پێشکێش کەت بو قوتابیان زێدەباری کا چ دهێت گوتن د وانا پەروەردا جەستەیی ، بو نمونە یاریین وەک (زومبا ،سەما و یاریێن کوردەواری) ژی بهێن گوتن و نمایش کرن دا پترحوزا لڤینێ لدەف وان خورت بیبیت، هەروەسا توشی بێزاریێ نەبن.
6- هەلسەنگاندنا ماموستایێ وەرزشی ل قوتابخانێ گەلەک هشێن ماموستاو ریڤەبەرا بخوە راکێشا بوون ، کو تەکەز لوێ چەندێ دکر پێتڤییە ماموستایێن وەرزشی یێن خو دان شیان ل دوماهیکا سالێ بهین خەلات کرن ژ لایێ مەعنەوی ڤەو ژ لایێ دەراڤی ژی ڤە، دەمێ ماموستا ئاستەکێ باش پێشکێش دکەت پێتڤییە دیاری ، سوپاسی ،خەلاتێن دەراڤی ژ لایێ قوتابخانێ و رێڤەبەریا پەروەردێ بهێنە پێشکێش کرن دا وەرارا ماموستایی هەر بەرز بیت و پتر یێ روژد بیت کو سالێن دویف دا ئاستەکێ باشتر پێشکێش کەت.