College of Science
سەروکێ زانکویا دهوك سەرەدانا کولیژا زانست کر __
د روینشتنەکا ڤەکری دا بو ماوێ دوو دەم ژمێر و نیڤان ب مەرەما پێشڤەبرنا ئاستێ ئەکادیمی یێ پروسێسا خواندنێ و ماموستایان و لابوران و پروگرامێن خواندنێ، ل رێکەفتی 2022/7/20 رێزدار دکتور داود ئەتروشی سەروکێ زانکویا دهوك سەرەدانا کولیژا زانست کر و ب هەفکاریا بەرێز دکتور احمد محمد صالح هـ. س. ز. بو کاروبارێن کارگێری و دارایی و بەرێز دکتور محمد عزیز راگرێ کولیژێ ب وەکالەت و جڤاتا کولیژێ و ب ئامادەبوونا ژمارەکا زور یا ماموستایێن کولیژی هاتە ئەنجامدان .
سەروکێ زانکویێ ب تێر و تەسەلی بەحسا شیانێن زانکویێ کر و ئەو داهاتیێن لبەر دەستێ وان هەین کو سالانە دهێنە مەزاختن بو پێشڤەبرنا کەرتێ خواندنێ و ڤەکولینێ.
ژ لایێ خوڤە راگرێ کولیژێ بناڤێ ستافێ کولێژی سوپاسیا سەروکاتیا زانکویێ کر بو ڤێ دەرفەتێ و گرنگی یا ئەنجامدانا ڤان جورە روینشتنا هەروەسا چەندین داتایێن سەرەکی لدور کولیژی دانە خویاکرن و ئاماژەکرە وان شیانێن لدەف وان هەین و کێماسیێن د کولیژێ دا هەین کو پێتڤی ب چارەسەریێنە.
ژ لایێ خوڤە ماموستایان گلە و گازندە و رەخنە و پسیار و پێشنیاریێن خو ئاراستەکرن و سەروکێ زانکویێ ژ لایێ خوڤە ب سینگەکێ زورێ بەرفرەهـ گوهداری یا هەمی هزر و بوچوونان کر و سوزدا یا د شیانێن وان دا هەبیتن بو کۆلیژا زانست بهێتە کرن