دەربارەى کولیژێ
March 12, 2019, 8:50 a.m.

کولێژا پەرستاری ل بەروارێ ١/١١/٢٠٠٧ هاتیە دامەزراندن و یەکەم خولا کولێژا پەرستاری ل سالا ٢٠٠٧-٢٠٠٨ هاتیە تومارکرن. فێرخوازێن کولێژا پەرستاری پشتی دەربازکرنا چارسالێن خواندنێ باوەنامەیا بەکەلوریوس بدەست دئینن.

کولێژا پەرستاری ناڤ و دەنگی یێن هەرەباش ل بوارێن ژێر بدەست خستنە:

·         فێرکرن

·         کارێ پراکتیکی – نوژداری

·         ڤەکۆلین

·         خزمەتێن گشتی

 

فەلسەفەیا کولێژا پەرستاری

·         ئەم باوەرین کۆ کولێژا پەرستاری دکاریت جهەکێ بێ وێنە و بێ هەڤال بدەست بئینیت و هەوەها باوەریێ ل بلندکرنا ئاستێ ساخلەمی دروست بکەت.

·         ب هاریکاریا شێوەیێن ڤەکۆلینێ، ئەم دکارین ل فێرکرنا چالاک و دروست کرنا زانستێ پشکداربین. ئەم دکارین زانستێ پێش بئێخین و ل کومەلگێن خوجهی، نەتەوەیی و ناڤ نەتەویی بەڵاڤ بکەین.

·         ئەم سەربورێن نو یێن فێرکرنێ دروست دکەین، فێرکرنەکا لسەر بنەمایێ بەلگەنامەیان و لسەر پێش ئێخستنا شیانێن هزری دروست دکەین دا کو بشێین قوناغێن پشکداری، دەنگ ڤەدان، لێگەریان، و هەڤکاری ئەنجام بدەین.

·         ئەم بشێوەیەکێ هەڤکارانە لسەر هەمو سەنتەرێ تەندروستی، شەنگست و سنورێن خوجهی، نەتەوەیی و ناڤ نەتەوەیی کار دکەین دا کوئاستێ تەندروستی و ساخلەمیا کەسان، مالباتان، و جڤاکان بلند بکەین.

 

ئارمانجێن دەرچون ژ کولێژا پەرستاری

فێرخوازێن کو ژ کولێژا پەرستاری سارکەڤتیانە دەردچن دکارن:

·         پێڤاژۆیا پەرستاری و شەنگستێن تایبەتمەند ل زانستا پراکتیکیا پەرستاری بکار بینن.

·         زانست، ڤەکۆلین، و بیروکەیا پەرستاری وەکو بنەمایەکێ بۆ پراکتیزەکرنا پەرستاری بکار بینیت.

·         زانستا گورانکاری ل پێشکێش کرنا خزمەتێن تەندروستی ژبۆ هاندانا ساخلەمیا کەسێن جوربەجور بکاربینن.

·         دکاریت شیانێن پەیوەندی ب ئاخڤتن و نڤیسکی بشێوەیەکێ کارتێکەر فێرببیت.

·         تێگەهێن کارگێری و رێڤەبەری ل چەند جهێن جوربەجور و رولێن تایبەتمەند بکاربینیت.

·         کەسەکێ چالاک بیت ل هەمبەر گوهورینێن سیستەمێ تەندروستی.

 

کولێژا پەرستاری – ئەرک

·         ئەم زانست دروست دکەین و هەروەها رێڤەبەرێن پەرستاران بەرهەڤ دئینین کو دکارن دروست بکەن، رێڤەبەری بکەن، و هەروەسا ل بزاڤێن گشت گیر پشکداردبن دا کو تەندروستیا خەلکی ل ژینگەهێ بلند بکەن. پرۆگرامێ مە کومەلگەهەکا رێڤەبەران دروست دکەت دا کو پشت ب شەنگستێن پەرستاری بگرن. کومەلگەها تایبەتمەندا مە لسەر بنەمایێ رێز و ئامادەبون ل هەمبەر گوهورینان ئاڤا دبیت.

·         بهەڤرا ئەم هەول ددەین کو پێدڤی یێن جوربەجورێن کومەلگەها خو بۆ پەرستارێن خودان شیان دەستەبەر بکەین و هەروەسا شیانێن فێرخوازێن پەرستاری ل کولێژا پەرستاری بلند بکەین.

·         پابەندبونا مە ب فێرکرنا پەرستاری رێڤەبەران بەرهەڤ دئینیت کو بژین و سەرکەڤتیانە کاربکەن وەکو پەرستارێن شارەزا ل ژینگەهەکا بەر ب گوهورین.

·         بۆ پشت راست بون ژ هێژایی یا ئەکادیمی، مەنهەجێ فێرکرنێ لسەر بنگەهـ و پشکێن هونەرێن ئازاد دگەل زانستێن نوژداری و جڤاکی ب پێڤاژۆیا فێرکرنێ شارەزایی یێن دیتر دروست دبیت.

 

کولێژا پەرستاری – دیتن

دیتنا مە پێش ئێخستنا پرۆگرامەکێ پەرستاریا مرۆڤایەتی و چەند کەلتوری یە کو دکاریت هێژایی ل فێرکرنا پەرستاری ب ڤەکۆلینا فێرکرنێ و فێربونێ دەستەبەر دبیت.

باوەرنامە

کولێژا پەرستاری کورسەکێ چارسالە بۆ بدەست ئینانا پلەیا بەکەلوریوس دەستەبەردکەت.

زانیاری یێن گشتی

کولێژا پەرستاری رولەکێ چالاک ل پرکرنا پێدڤی یێن کومەلگەها مە دگێریت، لەورا هیڤیا کولێژا پەرستاری پێش ئێخستنا خزمەتێن تەندروستی ل پارێزگەها دهۆکێ یە. هیڤیا سەرەکی فێرکرنا پەرستارێن خودان شیان ب زانست و شیانێن نوژداری و پزیشکی یە. کولێژا پەرستاری خولێن ڤەگەر و فێرکرنێ بۆ پەرستارێن کو پێشتر ژ کولێژێ دەرچونە دەستەبەر دکەت. پیشەیا پەرستاری دگەل پێش ڤەچونێن زانستێن نوژداری گرینگیەکا بەرچاڤ بدەست خستیە.

کولێژا پەرستاری فێرکرنا سەردەمیانە ل هەردو پشکێن تیوری و پراکتیکی دەستەبەر دکەت. فێرخواز کولێژا پەرستاری ب چوار سالان بداوی دئینن. بەشێ پراکتیکی ل بنگەهێن تەندروستی و نەخوش خانەیێن سەر ب رێڤەبەریا ساخلەمیا پارێزگەها دهۆکێ دهێتە ئەنجام دان.

سالوخەت

کولێژ چاڤ ل مەنهەجێن فێرکرنێ کولێژێن دیتر دکەت و ل دەمێ چوار سالان دا مەنهەجێ کولێژا پەرستاری دیزاین دکەت. ئەڤ مەنهەجە دەبی دگەل خوەزایا خواندنا پەرستاری و پێدڤی یێن تەندروستیا گشتی، بازرگانیا پەرستاری ب بەرچاڤ وەرگرتنا پێشکەڤتنێن زانستێن نوژداری بگشتی و پەرستاری بتایبەت بگونجیت. فێرکرنا پراکتیکی ل بنگەهێن ساخلەمی یێن رێڤەبەریا ساخلەمیا پارێزگەها دهۆکێ دهێتە ئەنجام دان.

ستراتێجی

ژبەر کێم بونا کەرتێ پەرستاری ل قەزایا دهۆکێ، هیڤیا ستراتێجیکا کولێژا پەرستاری دەرچونا پەرستاران ژ زانکویێ ل دەمێ پێنج حەیا دەهـ سالێن بهێت دا کو کێماسی یێن نەخوشخانەیان و سەنتەرێن نوژداری ب پەرستاری پر بکەت. هیڤیا ستراتێجیکا دیتر بەرهەڤ کرنا دامەزراندنا ستافێ فێرکرنێ ب پلەیێن ماستەر و دوکتورا دا کو کێماسی یێن کولێژێ ب ماموستایان نەمینیت.

ئارمانج

ئارمانجێن کولێژا پەرستاری دەرچونا پەرستارێن زانکویێ یە کو ب باشی ل پیشەیا خزمەتێن پەرستاری ب هەڤکاری دگەل سەنتەرێن خەستەخانەیێن فێرکرنێ و بنگەهێن نوژداری هاتبنە فێرکرن دا کو بکارن پشکێن جوربەجور ل کومەلگەهـ و کەرتێن تەندروستی دروست ببن.

 

سەربورێن پێدڤی

ل دەمێ چار سال خواندنێ، فێرخواز پێویستە کو سەربور و زانستا پێدڤی ژ پشکێن پراکتیکی کو ب نوژدار و پەرستارێن خودان شیان دهێنە برێڤەبرن و هەوەها ژ کورسێن تیوری بدەست بخەن. ژێدەرێن دیترێن گرینگ بۆ پەرستاری ئینترنێتە کو ب سەنتەرێ IT ل کولێژا پەرستاری دهێتە دەستەبەرکرن.

 

بکارئینانا کورسێن پراکتیکی

کورس و مەنهەجێن کولێژا پەرستاری ل زانکویا دهۆک لسەر بنەمایێ کورس و مەنهەجێن کولێژێن زانکویێن دیتر وەکو زانکویا هەولێرا پزیشکی و زانکویا سلێمانی و هەوەسا زانکویێن دیترێن عیراقێ وەو زانویا بەغدا و موسل، دگەل زانویێن وەڵاتێن جیران هاتیە دروست کرن.

کورس و مەنهەجێن کولێژا پەرستاری ل زانکویا دهۆک پترین پێدڤی یێن جڤاکێ وەکو خزمەتێن نوژداری و پەرستاری دەستەبەردکەت. مەنهەجێن فێرکرنێ لگوری پێدڤی یێن سەردەمیانەیا جڤاکێ دهێنە پێش ئێخستن.

پەیوەندی یێن کەلتوری و زانستی یێن کولێژا پەرستاری دگەل کەرت وکولێژێن دیتر و رێڤەبەریێن میری

پەیوەندیەکا گەلەک بهێز دنەڤابەرا کولێژا نوژداریا زانکویا دهۆک و کولێژا پەرستاری ل دەستپێکا دامەزراندنا کولێژێ هەیە ژبەر کو کولێژا پەرستاری باوەریا خو لسەر ئاسانکاری یێن کولێژا نوژداری ژ بۆ کورسێن زانستی دانایە.

پەیوەندیا دیتر، کەرتێ تەندروستی ل قەزایا دهۆکە بتایبەت نەخوشخانەیا ئازادی یا فێرکرنێ کو وەکو بنگەهێ سەرەکی بۆ فێرکرنا نوژداری و پزیشکیا فێرخوازان دهێتە بکارئینان. سەنتەرێن دیترێن نوژداری ژینگەهەکا باش بۆ فێربون و فێرکرنێ دروست دکەن.

چالاکی

ژبەر تەمەنێ بچوکێ کولێژا پەرستاری چالاکی یێن کولێژا پەرستاری هێشتا ل ئاستێ دەستپێکێ دهێنە دیارکرن. کولێژا پەرستاری ل سالا ٢٠٠٧-٢٠٠٨ دەست ب وەرگرتنا ٩٠ فێرخوازان کر.

راگرێ کولێژا پەرستاری پشکداری د جڤینا روژا ٢٣/١١/٢٠٠٨ کو تایبەت بو ب پێش ئێختنا مەنهەجێن کولێژا پەرستاری ل زانکویێن هەرێما کوردستانێ کر.

هندەک ژ ئەندامێن ستافێ فێرکرنێ دەست ب پرۆژەیێن ڤەکۆلینێ لدور شەنگستێن پسپوری کرن.

نونەرێن کولێژێ ژ جیاتی راگرێ کولێژێ پشکداری ل جڤینا سالانە کو ل بەروارێ ٨/٣/٢٠١٠٩ ل بەغدا هاتبو رێکخستن کرن. جڤین تایبەت ب جڤاتا راگرێن کولێژا پەرستاری ل وەڵاتێ عیراقێ بو.  

نونەرێن کولێژێ ل کونفەرانسا نەتەوەیی یا پەرستاری کو ل بەروارێ ٤ حەتا ٥/٥/٢٠٠٩ داتبو لدارخستن کرن.

کولێژ وورکشوپەک بهەڤکاری دگەل رێڤەبەریا ساخلەمیا پارێزگەها دهۆکێ لدور پەنجەشێرا ل سالا ٢٠١٣ مەمکان لدارخست.

کولێژا پەرستاری دەست ب ئەنجام دانا پرۆگرامێ پلەیا ماستەر ب سێ فێرخوازان ل سالا ٢٠١٢-٢٠١٣، دەهـ فێرخواز ل سالا ٢٠١٣-٢٠١٤، و دەهـ فێرخواز ل سالا ٢٠١٤-٢٠١٥ کر.