روژا جلو بەرگێن کوردی نەتەوەیی ل كوليژا ل مە
April 9, 2022, 2:45 p.m.

بەرێز د. داوود سلێمان ئەترووشی سەرۆکێ زانکۆیا دهوک  ئامادە بو ل روژا جلو بەرگێن کوردی نەتەوەیی ل كوليژا ل مە

ئەڤرۆ: بێنج شەمبی

رێکەڤتی:١٠/٣/٢٠٢٢

ب هەلکەڤتا رۆژا جلوبەرگێن نەتەوەیی و ب ئامادەبوونا د. داوود سلێمان ئەترووشی سەرۆکێ زانکۆیا دهۆک،کولیژا زانستێن سیاسی ل زانکۆیا دهۆک و ب هەڤکاری دگەل لیژنا کولیژا ناڤبری یا ئێکەتیا قوتابیێن کوردستانێ، ئاهەنگەک ل پارکا رۆمانی ل ناڤ کەمپا زانکۆیا دهۆک سازکر.
سەرۆکێ زانکۆیا دهۆک سەرسامیا خۆ ب ورەیا قوتابیێن زانکۆیا دهۆک و گۆتارا وان یا رەوان و زەلال بۆ هەلگرتنا خەتیرا پاشەرۆژا ڤی مللەتی دەربری.
د ڤێ ئاهەنگێ دا و ب ئامادەبوونا قوتابیێن کولیژێن جودایێن زانکۆیا دهۆک، د. هەوار نێروەیی، راگرێ کولیژا زانستێن سیاسی، د پەیڤا خۆ دا ئاماژەدا گرنگیا بەرز راگرتنا رۆژا جلوبەرگێن نەتەوەیی و پتر نێزیکبوونا تاکێ کورد ژ کەلتۆر و دیرۆکا خۆ.
ژ لایێ قوتابي(چریسک عومەر) بەرپرسێ لیژنا کولیژا زانستێن سیاسی یا ئێکەتیا قوتابیێن کوردستانێ، باس ل بوهایێ پاراستنا کەلتۆر و ناسنامەیا مللەتێ کورد کر و ساخکرنا ڤان جۆرە هەلکەڤتان ب گرنگ هەلسەنگاند.
د ئاهەنگێ دا، پشتی پێشکێشکرنا گۆتار و هەلبەستان، خوارنێن کوردی یێن ژ لایێ قوتابیان ڤە هاتینە لێنان، هاتنە نمایشکرن و خوارن، و شاهیێن کوردی ب جلوبەرگێن کوردی، لبەر دەنگێ مۆزیکێ هاتنە کرن.