كولیژا زانستێن مروڤایەتی

دیتنا کۆلیژێ:

کۆلیژ کاردکەت ببیتە ئێک ژ باشترین سازیێن باوەرپێکری ورەسەن یێن فێرکرنێ، ل دەڤەرێ، و ژ وێ خالێ دەستپێکریە قوتابیێن بەکالوریوسێ دەردئێخیت، ژ چەندین پشکێن گەلەک ب مفا ودشیان دایە خزمەتا جڤاکی بکەن، ل سەر ئاستێ چەندی وجوری، وئەو پشکێن ئەڤرو بازارێ کوردستانێ کار پێ هەى، ول هیڤیا دەرچونا وان. هەر وەسا خاندنا ماستەر ودکتورایێ کو هەردوو رێکێن ستینی وئاسووی گرتیە بەر. لەو گەلەک گرنگیێ ب کادرێ خو یێ وانە گوتنێ ددەت، دا ل باشترین ئاست دا بن. دیسان کادرێ خو ئێخستیە دخزمەتا جڤاکی دا ب رێکا چێکرنا ڤەکولینان وبەڵاڤکرنا وان، ودارێتنا پەرتووکان ژی، وخالا دی یا هەر گرنگ، کادرێ وێ دخزمەتا گشت سازی ودام ودەزگایێت فەرمی ونەفەرمی یێت هەرێمێ، وسازیێن بیانی دایە، دبوارێ شیرەتکاری ورێنیشاندانێ، وفێرکرن وڕاهێنانێ دا.

ئارمانجێن کۆلیژێ:

• کارکرن ژبۆ پشتەڤانیکرنا سیستەمێ دڵنیای جوری وبباشترین شێواز بجه بهێت، وەک پشکداریەک بۆ پێشڤەبرنا زانکۆیا دهوک، وگەهاندنا ئاستێن بەرز ل جیهانێ.
• کاراکرنا رۆلێ زانستی ژبۆ هشیارکرن وپێگەهاندنا جڤاکی وبەرهەفکرنا پروژێن ڤەکولینێ کو دهاریکار بن بۆ چارەسەرکرنا کێشێت جڤاکی ب رێک ورێبازێن زانستى یێ خورستی.
• بەرهەفکرنا کادرەکێ ئەکادیمی یێ شارەزا دبوارێ مێژوو، جوگرافیا، پەروەردا ئاینی، ئاشتى ومافێ مرۆڤ وسیاسەتا گشتى، دڕاما وشێوەکاری، وکومەڵناس ودەرووناسی، هەر ئێک ل دیف تایبەتمەندی وبسپوریا خو.
• پشتڕاستکرنا سەربەخوییێ ل دانان وداڕێتنا بابەتێن خوادنێ ودویفچوونا وان کو ل دیف گوهوڕینان بهێنە ڕاستڤەکرن وگوهوڕین.
• ئاڤاکرنا زانین وزانستی یا قوتابیان ب ڕێکا خاندنێ، وگەشتێن زانستى، وورک شوپ، ومێزگەرد، وکونگرە وچالاکیێن دی یێن جوراوجور.
• بەرهەفکرنا ژیوارێ کولیژێ ژ هولێن خواندنێ، وپەرتووکخانە، وهولێن چالاکیان، وباخچان. ورەخساندنا هەر دەرفەتەکێ کو قوتابی پتر حەز ژ کۆلیژێ بکەن وپێڤە بهێنە گرێدان.
• گرنگیدان ب لایەنێ پەروەردە ورەوشتی، وبەڵاڤکرنا گیانێ لێبورین ومرۆڤایەتیێ ونیشتیمان پەروەری ووەڵات پارێزیێ دناڤبەرا هەمیان دا.
• ڤەکرنا هەمى دەرگەهـ وکەنالێن هەفکاریێ دگەل هەر سازیەکا دی چ ل زانکۆیا دهوک بیت، یان دەرڤەى زانکویێ، حکومی بیت، یان نە حکومی، نافخو بیت یان بیانی، کو دێ خزمەتا جڤاکێ کوردستانی کەت.
• کارکرن ل سەر پەیداکرنا دەرفەتێن کاری بۆ قوتابیێن نوى دەردچن، بڕیکا نیشاندانا شیانێن وان بۆ هەر سازیەکا نەحکومی وەک کەرتێ تایبەت وکەرتێ سیێ.