دارستان
Jan. 24, 2016, 11:31 a.m.

سکولا دارستانێ ھاتیە دامەزراندن لژێر ناڤێ پشکا دارستانێ ل سالا ١٩٩٥ ب مەرەما دابینکرنا بسپوریا زانستێن دارستانێ 

  • خاندن ل سکولێ دەست پێکریە ل سالا ١٩٩٦ .
  • خواندنا بلند (ماستەر) دەست پێکریە ل سالا ١٩٩٨.
  • ھەژمارا قوتابیێن ھاتینە وەرگرتن ل سکولێ د ڤان سالێن بوری دا دبنە ٤٠ قوتابی .
  • ھەر ژ سالا ١٩٩٩ وەرگرتن ل سکولێ ب رێکا تێکرایی نمرێن قوتابی یە .
  • ھەژمارا قوتابیا ل سکولی دبیتە ١٥٠ قوتابی.
  • رێژا ماموستایا بو قوتابیا ھەر ماموستایەک بو ٦ قوتابیا .

ڤەدیتنا 

ئارمانجا سکولا دارستانێ دابینکرنا پێزانینا ب رێژەیەکا بلند بو قوتابیێن سکولێ و رێخستنا وان داکو رولی پێشڤەبرنا دارستانا ببینن , سکولا دارستانێ رادبیت ب فێرکرنا قوتابیا دا بشێن ئاریشێن کەرتێ دارستانێ چارەسەر بکەن و بریارێن رەوا بدەن ژبو سەخبیری کرنا ژێدەرێن دارستانێ و گەرەنتی کرنا بەردەوام بونا بەرھەمێ وان , و ھەروەسا سکول پیتەیی ددەتە فێرکرنا قوتابیا ژبو چەوانیا دانانا داروباری و پاراستنا ئەردی دارستانێن سروشتی , و سکولا دارستانێ ھاندانا ڤەکولینا ددەت ئەوێن ئارامانجا وان چارەسەریا ئاریشێن دارستانێ .  


ئارمانجێن 

سکولا دارستانێ رادبیت ب رێکئێخستنا پروگرامەکێ ئاست بەرز ژ لایێ پێزانینا ڤە و ڤەکولینا ڤە دا کو د شیان دا بیت قوتابی رابیت ب دانان و برێڤەبرنا دارستانێن دەستکرد , و چاندنا تێکەل دگەل دارستانێ و دارستانین پاژێری و سەخبیر کرنا ژێدەرێن دارستانێ , و ھەروەسا ئارمانجا سکولێ فێربونا قوتابی یە ژبو بریڤەبرن و ئابوریا دارستانێ و پێشەسازیێن داری و ژبەر دەڤەرا کوردستانێ بەھرا پتر چیایی یە سکول پیتەیی ددەتە دابینکرنا پێزانیێن تایبەت لسەر سەخبیر کرنا ژێدەرێن ئاخ و ئاڤێ , ڤەکولینین قوتابی و ماموستایا ئارامانجا وان ئەوە زێدەبونا رولێ دارستانێ یە ژ سەخبیری کرنا ژێدەرێن ئاخ و ئاڤێ .

پروگرامی فێرکرنێ

سکولا دارستانێ کار دکەت ژبو لدویف چونا پروگرامەکێ خواندنێ و ئەنجامدانا ڤەکولینا ب مەرەما بدەست ڤە ئینانا ئارمانجێن سکولێ د ڤان بورارێن ل حوارێ دا دیار کری :

  • ئاڤەدانکرنا دارستانا .
  • برێڤەبرن و ئابوریا دارستانێ . 
  • زانستێن داری و بکار ئینانا دارستانا . 
  • سەخبیری کرنا ژێدەرێن ئاخ و ئاڤێ .
  • برێڤەبرنا گیانەورێن کیڤی .
  • چاندنا تیکەل دگەل دارستانا و دارستانێن پاژێری .
  • گەشت و گوزارێن تایبەت ب ژینگەھێ ڤە .


ئارمانجێن سیستەمێ خواندنا 

  • دابینکرنا سیستەمەکێ فێرکرنێ یی بەرفرەە بو بابەتێن سەرەکی یێن دارستانێ .
  • دابینکرنا پێزانینێن پێتڤی بو قوتابیان ژبو تەمامکرنا خواندنا بلند .
  • دابینکرنا بنکەیەکا پێزانینا لدور ژێدەرێن گرێدایی ب دارستانێ ڤە ژبو بەرفرەھکرنا دەرفەتێن کاری بو دەرجویێن سکولێ 

دەرفەتێن کاری بو دەرچویێن

سکولا دارستانێ رادبیت ب دابینکرنا پێزانینێن تەمام و بەرفرەە لدور ھەمی لایەنێن گرێدایی ب دارستانێ ڤە ژبو دابینکرنا دەرفەتێن کاری و کار کرن د کەرتێ گشتی و کەرتی تایبەت دا کو ڤان  جھێن لخوارێ بخوڤە دگریت: 

  • وەزارەتا چاندنێ / رێڤەبەریێن دارستانا .
  • پروژێن سەخبیرکرنا ئاخ و ئاڤێ .
  • باغجێن گشتی و یێن گەشت و گوزارا .
  • کارگەھێن داری .
  • فێرکرنا ئامادەیی .
  • فەرمانگەھێن ڤەکولینێن چاندنێ .

پێشڤەبرنا سکولێ

پێخەمەت بلند کرنا ئاستێ زانینێ ل سکولێ( ٦) شەش ماموستایێن سکولێ ھاتینە ھنارتن بو وەلاتێن دەرڤە (بریتانیا , فرنسا) ژبو بدەست ڤە ئینانا باوەرناما دکتورایێ , و سکول رابویە ب دانانا سیستەمەکێ خواندنێ بو قوتابیێن بکالوریوس وەک ھەڤە دگەل یێ زانکویێن جیھانی ژبو دابینکرنا بنکەیەکا بەرفرەە ژ پێزانینا بو قوتابیان , و سکول رابویە ب دانانا لابورا و دابینکرنا پێتڤیێن وان ژ ئامێر و کەرستێن پێتڤی , و ئەڤا لسەری دیار کری ئەگەرە بو پێشڤەبرنا ئاستی قوتابیێن دەرچویی ژ سکولێ و رادبیت ب موکمرنا وان ژبو کار کرن د بنگەھێن میری و کەرتێ تایبەت و ھەروەسا تەمامکرنا خواندنا بلند .