نڤێسینگەها شیرەتكاری

زانكویا دهوك
كولیژا زانستێن ئەندازیاریا چاندنێ‌
نڤێسینگەها شیرەتكاری
كارێن سەرەكی یێن نڤێسینگەها شیرەتكاریی
1) پێشكێشكرنا شیرەتێن زانستی بو هەردوو كەرتێن چاندنێ‌ (رووەكی وگیانەوەری) وسەرپەرشتیكرن وچاڤدێریا پروژێن جودا یێن چاندنێ‌ .
2) گرێدانا هەڤبەستێن هەڤپشك یێن پروژێن جودا یێن چاندنێ‌ لناڤ ودەرڤەی كولیژێ‌ ب رازەمەندیا هەردو لایا وب باوەرپێكرنا (مصادقە) رێڤەبەریا كاروبارێن یاسایی ل زانكویێ‌ ولدیڤ رێنماێین نڤێسینگەها شیرەتكاریێن چاندنێ‌ ئەوێن دەرچوێن ژ وەزارەتا خواندنا بلند یا هەریمێ‌.
3) كومكرن وپشكنین وپیڤان وشروڤەكرنا سەمپلێن بەرهەمێن چاندنێ‌ یێن ئاهێن خوارنێ‌ یێن دهێنە خوارن ویێن دهینە قەدەغەكرن ژ بو خوارنا مروڤان هەروەسا شروڤەكرنا ئالفێ‌ گیانەوەران ودیار كرنا پێكهاتیێن وان ونمرا بكێر هاتنێ‌ (درجە الصلاحیە) ورێژا ژەهرێ‌ ودیار كرنا فاكتەرێن كارتێكرنێ‌ دكەن لسەر بەرهەمی.
4) رێكخستن ودروستكرنا باغچان وپاركان لسەر ئاستێ‌ پارێزگەهێ‌ وپروژێن مەزن ویێن گرنك ودروستكرنا رەز وباغان ونەمامگەهێن بەرهەمئینانێ‌ بو فێقی وپەرژانێن كەسك ودارێن دارستانێ‌ ژ بو هەمی جورێن دار ورووەكان ئەوێن دێ‌ هێنە بكار ئینان ل باغچان وپاركان وباغان و دارستان دا.
5) دەرئیخستنا روینێ‌ نوژداری ویێ‌ بهێن خوشیێ‌ ژ گیا ورووەكان ئەوێن پێتڤی بو بكارئینانێن پزیشكی ودەرمانسازی وبهێن خوشی.
6) بەرهەم ئینان وزێدەكرنا هەمی جورێن رووەكان وداران وتایبەت ئەوێن كێم ودەكمەن لدویف پێدڤیا جوتیارا وداخوازیان وب هەژمارەكا زور ولدەمەكێ‌ گونجاو ئەوژی ب رێیا لابورا چاندنا شانێن رووەكی وهەروەسا بو پاراستنا كومەلگەها جینی ل كوردستانێ‌.
7) شروڤەكرنا ئاماری ژ بو داتایان ئۆ بۆ هەمی تایبەتمەندیێن چاندنێ‌.
8) هەلسەنگاندن ژ بۆ هەمی پروژێن جودا یێن چاندنێ‌ لسەر بنەمایێن زانستی.
9) بەرهەڤكرنا راپۆرتان لسەر هەمی پروژێن چاندنێ‌ دگەل نڤیسینا بەلاڤوكێن هونەری.
10) دەست نیشانكرنا جورێن نەخوشیێن كەرو و بەكتیری و ڤایروسی و نیماتودا و هەمی نەخوشیێن مێش و مورا ویێن نە مێش ومورا ئەوێن هەمی جورێن رووەكان ڤەدگرن ژ زەرزەواتی ودارێن فیقی ودەرامەتێن كێلگەیی و هەر وەسا پێدانا شیرەتێن پێدڤی ژ بو چارەسەركرنێ‌ ب رێیا دەرمانێن گونجاو .زێدەبارێ‌ سەرپەرشتیكرنا زانستی لسەر مێشگەهێن مێشێن هنگڤینی ودەست نیشانكرنا نە خوشیێن وان ل خانیێن خودانكرنا مێشێن هنگڤینی وچارەسەركرنا وان.
11) پێشكێشكرنا شیرەتێن جورا وجور ژ بو رەوشەنبیركرنێ‌ لسەر بەرهەمئینانا دەرامەتان ژ ئامادەكرنا ئەردی وچاندنا توڤی و نە هێلانا گیایێن زەرەرمەند وزبلدانا ئەردی و ئاڤدان ودورین و كوگە هكرنا بەرهەمی.
12) هەفكاری كرن د گەل هەمی رێكخراوێن نیشتیمانی ونیڤ دەولەتی ورێڤەبەریێن میری ژ بۆ رێكخستن وڤەكرنا خۆلێن فیركرنێ‌ و وورك شوپا بۆ جوتیاران و خودانكەرێن گیانەوەرا و رێبەرێن چاندنێ‌ و بۆ هەمی تایبەتمەندێن چاندنێ‌.
13) كاركرن ژ بو تێستكرن وبەرهەمئینانا توڤێن باوەرپیكری یێن دەرامەتان و دیفچوونێ‌ بكەت لسەر گەنجاوترین جورێن نوی یێن توڤێن دەرامەتی ئەوێن دئێننە دەڤەرێدا وەك گەنم وجەه وبرنج وگەنم شامی ونوك ونیسك و كونجی ....هتد ب ریێا ئەنجامدانا ڤەكولینا لدویف كاودان و ژینگەها كوردستانێ‌.
14) شروڤەكرنا سەمپلێن ئاخێ‌ وئاڤێ‌ ورووەكی وب هەمی پیكهاتەیێن وان ڤە یێن جورا و جور ودەست نیشانكرنا هەمی سالوخەتێن ئاخێ‌ و ئاڤێ‌ یێن فیزیاوی وكیمیاوی وزیندەوەری ئو شروڤەكرن دئێتە ئەنجامدان لدویڤ بنەمایێن زانستی و ستاندەرێن جیهانی وب ئامیرێن پیشكەفتی ، هەر وەسا ئەنجامدان شروڤەكرنا
(.X.R.D.)
بۆ دیاركرنا جورێن كانزایێن دناڤ ئاخی دا ئو دهەمان دەم دا ڤاڤارتنا جورێن ئاخێ‌ ولدیڤ سیستەمێ‌
 (USDA-NRCS.
یێ‌ ئەمریكی . هەر وەسا دانان ودروستكرنا سیستەمێ‌ ئاڤدانێ‌ ب رێیا ئامیرەكێ‌ كو هاتیە دروستكرن ژ لایێ‌ ماموستاێین مە و ب هێزا رۆژێ‌ كاردكەت.
15) سەرەدانا جوتیاران و خودانكەرێن گیانەوەرا ل جهێن كارێن وان ژ بۆ شیرە تكرنێ‌ و چاڤپێكەفتنا بەرهەمێن وان و وەرگرتنا داتایان.
16) دانانا هندەك پێرابۆنا وتە كنیكا ژ بو چارەسەركرنا ئاریشێن چاندنێ‌ وپێشئێخستنا بەرهەم ئینانێ‌.