كولیژا یاسا
بهەلکەفتا روژا جیهانی یا ئافرەتان، بەشێ سیاسی لکولیژا مە و بهەفکاری دگەل پەیمانگەها پولیتەکنیکیا ئارارات رابو ب ئەنجامدانا مێزگەردەکێ لژێر ناڤ و نیشانێت "ئافرەت دناڤبەرا سیستەمێ کوتا و پروسیسا دروستکرنا بریارا سیاسی دا ل هەرێما کوردستانێ (ئاستەنگ وچارەسەری)" روژا سێ شەمبی رێکەفتی 7/3/2023 لدەمژمێر 10 سپێدێ ل سەنتەرێ رەوشەنبیری جڤاکی یێ زانکویا دهوک. ئەڤ بابەتێ لسەری ئاماژە پێ هاتیە دان دێ هاته پێشکێشکرن ژلایێ هەرئێک ژ پروفیسور دکتورە ئەڤین خالد عبدالرحمن (راگرا کولیژا یاسا / زانکویا دهوک) و پروفیسورا هاریکار دکتورە شرین حسنی (راگرا پەیمانگەها ئارارات). گەنگەشەکا بتێرو تەسەل لسەر بابەتی هاتە ئەنجام دان ژلایێ بەشداربوویان ڤە لدور ڤی بابەتی و ئەڤێن لخوارێ بەشەکە ژ پێشنیارێن زور کو هاتینه دان دڤێ چالاکیێ دا:
- بەرفرەهکرنا کوتا ئافرەتا کو کوتا پەرلەمانی، و کوتا دەستهەلاتا جێبەجێکرنێ و کوتا ئەحزابان بخوڤە بگریت.
- کارکرن لسەر گوهارتنا دیتنا جڤاکی بو شیانێن ئافرەتێ برێکا ئەنجام دانا چالاکیێن هشیارکرنێ.
- بهێزکرنا شیانێن ئافرەتێ و ئاڤاکرنا ئافرەتا سەرکردە داکو سەرکردە بیتن دهەمی بوارێن ژیانێ دا نە بتنێ دبوارێ سیاسی دا.
بەشێ زانستێن سیاسی، دێ مفای ژڤێ چالاکیێ بینیت ژبو تمامکرنا پروژێ خو یێ گرێدای بڤی بابەتی ڤە و ئاراستەى جهێن پەیوەندیدار بکەتن لهەرێما کوردستانێ.