كولیژا پەروەردا بنیات
ل زانكۆیا دهۆك دێ كۆنفرانسەكێ نێڤدەولەتی َ ل ژێر ناڤێ زانستێن مرۆڤایەتی و بەتی دیتنەك بۆ فێركرنا سەردەممیانە ) هێتە ئەنجام دان، كۆنفرانس ژ لایێ سەندیكا ئەكادیمیێن عیراقی ب هەڤكاری دگەل كۆلیژا پەروەردا بنیات ل زانكۆیا دهۆك هاتیە رێكخستن ل رۆژێن 11-12 شواتا 2019 ل هۆلا كۆنفرانسان ل زانكۆیا دهۆك
سەندیكا ئەكادیمیێن عیراقی كۆنفرانسێ خۆ یێ نێڤدەولەتی یێ ئێكێ ب هەڤكاری دگەل كۆلیژا پەروەردا بنیات ل زانكۆیا دهۆك ل ژێر درووشمێ (زانستێن مرۆڤایەتی و پەتی دیتنەك بۆ فێركرنا سەردەمیانە) ل رۆژێن 12-11/2/2019 ل هۆلا كۆنفرانسان ل زانكۆیا دهۆك ئەنجام دان.
ل رێورەسمێن ڤەكرنا كۆنفرانسی سەرۆكێ زانكۆیا دهۆك پ. د. مصلح دهۆكی د پەیڤەكی دا بەحسێ گرنگیا ڤان جۆرە كۆنفرانسان كر و گۆت هەر چالاكیەكا زانستی یا دهێتە ئەنجام دان گرنگیا خۆیا هەی، ژ لایەكی بۆ پێشخستن و پەرەپێدانا پەیوەندیێن زانكۆیێ ل گەل دەزگەهێن ئەكادیمی یێن دەرڤەی زانكۆیێ، ژلایەكێ دیڤە دەمێ ئەڤ جۆرە كۆنفرانسە ل زانكۆیا دهۆك دهێنە ئەنجام دان مفا ژ ناڤەروكا وان دهێتە وەرگرتن بۆ خزمەت كرنا پرۆسا خواندن و زانستی و سەربۆرێن نوی یێن فێركرنێ ل زانكۆیا دهوك دكەینە دخزمەتا پێگەهاندنێ دا، چونكو بەردەوام ئەم پێدڤی ب شێوازێن نوی یێن فێركرنێ نە كو ل گەل سەردەمێ نوكە بگونجن.
نەقیبێ سەندیكا ئەكادیمیێن عیراقی د. مهند ئەلهیلالی بەحسێ ئارمانجا گێرانا ڤی كۆنفرانسی ل گەل كۆلیژا پەروەردا بنیات كر و گۆت زانكۆیا دهۆك زانكۆیەكە سەنگا خۆیا زانستی یا هەی هەروەسا دا ژ نێزیك ژی پەیوەندیان ل گەل زانكۆیێ گرێدەین و مفایی ژ سەربۆرێن زانستی وەربگرین لەورا مە ئەڤ كۆنفرانسە ل دهۆكێ گێرایە.
جێگرێ نەقیبێ سەندیكا ئەكادیمیێن عیراقی د. ئەحمەد كەمال د پەیڤا لژنا بەرهەڤكەرا كۆنفرانسی دا دیاركر كو پتر ژ 500 ڤەكۆلینان گەهشتبوونە كۆنفرانسی بەلێ ئەو ڤەكۆلینێن مەرج تێدا هەین هاتنە وەرگرتن و 305 ڤەكۆلین د یازدە بیاڤێن زانستی و فێركرنێ دا دێ هێنە گەنگەشەكرن.
هەر ل رێورەسمێن ڤەكرنێ لوگویێن كۆنفرانسی هاتنە پێشكێش كرن بۆ سەرۆكێ زانكۆیا دهۆك و هەروەسا راگرێ كۆلیژا پەروەردا بنیات و چەند مامۆستا و پشكدارێن دیتر یێن كۆنفرانسی، هەروەسا سەرۆكێ زانكۆیا دهۆك ژی لوگویێ زانكۆیێ پێشكێشی نەقیبێ سەندیكا ئەكادیمیێن عیراقی و لژنا بەرهەڤكرنا كۆنفرانسی كرن.