تیما (vis moot) یا زانكۆیا دهۆك پشكداری دپێشبركیەكا نێڤدەولەتی دا كریە

سەرۆكێ‌ زانكۆیا دهۆك پ. د. مصلح دهۆكی ل رۆژا 10/2/2021 پێشوازی ل تیما (vis moot) یا زانكۆیا دهۆك كر كو د پشكدارن د پێشبركیەكا نێڤدەولەتی دا.
پێشبركیا (vis moot) یا نێڤدەولەتی دبوارێ (التحكیم التجاری الدولی) یە كو دناڤبەرا كۆلیژێن یاسایێ دهێتە كرن و نێزیكی 400 زانكۆیێن جیهانی تێدا د پشكدارن ژ پتر 100 وەلاتان، ل هەیڤا چار هەر سال پێشبركی دهێتە كرن ل ڤییەنا و هونك كونگ، ل سەر ئاستێ رۆژهەلاتا ناڤەراست ل هەیڤا سێ ل بەحرەین دهێتە كرن.
د روینشتنەكی دا سەرۆكێ‌ زانكۆیا دهۆك دەستخۆشی ل تیما زانكۆیا دهۆك كر كو ژ پێنج قوتابیێن كۆلیژا یاسا پێك دهێت و ب نوینەراتیا زانكۆیا دهۆك پشكداری كریە، و سەرۆكێ‌ زانكۆیێ‌ بەرهەڤیا خۆ دیاركر بۆ هەر ئاسانكاریەكی بۆ برێڤەچوونا كارێ‌ وان و هەر هاریكاریەكا پێدڤی بیت.