شاندەكێ كۆلیژا زانست ل زانكۆیا مستەنسریە ل بەغدا ل رۆژا 24/1/2021 سەرەدانا زانكۆیا دهۆك كرن و ژ لایێ سەرۆكێ زانكۆیێ پ. د. مصلح دهۆكی پێشوازی لێ هاتە كرن.
د روینشتنەكی دا كو هاریكارێ سەرۆكێ زانكۆیێ بۆ كاروبارێن زانستی و خاندنا بلند و و هەروەسا راگرێ كۆلیژا زانست ل زانكۆیا دهۆك و رێڤەبەرا پەیوەندیان د بەرهەڤ بوون، سەرۆكێ زانكۆیا دهۆك بەحسێ پرۆسا خاندنێ ل عیراقێ و دەڤەرێ ب گشتی كر ب تایبەت پشتی پەیدابوونا ڤایرۆسێ كۆرۆنایێ و كارتێكرنا وێ ل سەر چوونا قوتابیان بۆ هولێن خاندنێ، و دیاركر كو نوكە ل زانكۆیا دهۆك سیستەمێ ئاوێتە دهێتە پەیرەو كرن ئانكو خاندن ب رێكا ئونلاین و تاقیكرن ل هولێن خاندنێ دهێنە ئەنجام دان.
ژ لایێ خۆڤە د. عەلا مەتەر شایع هاریكارێ راگرێ كۆلیژا زانست ل زانكۆیا مستەنسریە دیاركر كو پشتبەستنا وان ژی بۆ گۆتنا وانا ب رێكا ئونلاینە و ڤێ چەندێ كارتێكرن ل پرۆسا خاندنێ كریە ب تایبەت ئەگەر قوتابی یێ دیری هولێن خاندنێ بیت.
ئەڤ سەرەدانا شاندێ زانكۆیا مستەنسریە بۆ زانكۆیا دهۆك پشتی ئیمزاكرنا رێككەفتنەكی هات ل دووماهیا سالا 2020 د ناڤبەرا كۆلیژا زانست ل زانكۆیا دهۆك و كۆلیژا زانست ل زانكۆیا مستەنسریە د بیاڤێ پێكگوهورینا زانستی و ڤەكۆلینان هەڤكاریێن زانستی.