زانكۆیا دهۆك ئاهەنگا دەرچوونا 28 قوتابیێنن ماستەرێ‌ گێرا

زانكۆیا دهۆك ئاهەنگا دەرچوونا 28 قوتابیێنن ماستەرێ‌ یێن پەیمانگەها چارەسەریا دەرونی و چارەسەریا تراومایێ‌ ل 25/10/2020 ل هۆلا كۆنفراسان ل زانكۆیا دهۆك گێرا، كو بو جارا ئێكێ‌ یە ل عیراقێ‌ و كوردستانێ‌ باوەرناما خاندنا ماستەرێ‌ د بوارێ‌ چارەسەریا دەرونی و چارەسەریا تراومایێ‌ بهێتە پەخشین.
ل دەسپێكا رێورەسمێن ئاهەنكێ‌ پرۆفیسور د.مصلح دهۆكی سەرۆكێ‌ زانكۆیا دهۆك دەپەیڤەكی دا گوت" چارەسەریا دەرونی گەلەك یا پێدڤی بوو دبواری پزیشكی دا ل كوردستانی و هەروەسا عیراقێ‌ تایبەت پشتی هێرشا داعش بو ناوچێن عیراقێ‌ ل سالا 2014.ب سەدان هەزار كەس ژ ناوچەیێن خو رەڤین ژ ئەكەرێ‌ هەرەشێن داعشێ‌ و قەستا هەرێما كوردستانێ‌ كرن پێدڤیەكا مەزن هەبو ب چاروسەریا تراومایێ‌ و چارەسەریا دەرونی لەورا ئێكەم پێنگاڤا زانكۆیا دهۆك دەست پێكری بو هاریكاریكرنا پەنابەر و ئاواران ئەو بۆ هەڤكاری دگەل چەندین زانكوین ئەوروپی و رێكخراوا DAAD یا ئالمانی كر ژ بۆ بدەست ڤە ئینانا هاریكاریێن مروڤایەتی".
قونسلێ‌ گشتی یێ‌ وەلاتێ‌ ئەلمانیا ل هەرێما كوردستانێ‌ سڤێن كراوسپێ‌ د پەیڤەكێ‌ دا كو بشێوێ‌ ئونلاین پێشكێشكر گوت"گەلەك پێخوشحالم كو ئەڤرو ئامەدەبم ژ دوورڤە دگەل هەویێن بەرێز بو برێڤەبرنا ئاهەنگا دەرچوونا قوتابیان ژ پەیمانگەها چارەسەریا دەرونی و چارەسەریا تراومایێ‌ ل زانكۆیا دهۆكئەڤرۆ روژەكا گەلەك گرنگە و خوشە ،پشتی سەرەدانا من بو سەنتەرێ‌ راهێنانێ‌ ل پەیمانگەها چارەسەریا دەرونی و چارەسەریا تراومایێ‌ من دیت كو قوتابیا باورنامە و بەگراوندێن جورا و جور هەنە وەك نوژدار و نوژدارێن دەرونی و گەلەك تایبەت مەندیێن دی گەلەك بێ‌ خوشحالبوم".
هەروەسا راگرێ‌ پەیمانگەها چارەسەریا دەرونی و چارەسەریا تراومایێ‌ د. جان ئیلهان كو بشێوی ئولاین بشكدار بۆ دیاركر" ئەڤ وەلاتە ئەڤە چەندەها سالە ژ چینوساید و تیروركرنێ‌ دیتیە یێ‌ ژ هەژی ئاشتی و ئازادی و ژیانەكا بەختەوەرە وەك هەمو وەلاتێن دی، پێخوشین كو مە پێكڤە كاركریە ژ بو ئانجامدانا ڤی پروژەی مە كەلەك كەسانیێن شارەزا هەنە دبوارێ‌ دەرونی دا كو د شێن گەلەك كەسان راهێنان بدەن داكو بشێن خزمەتا چڤاكی بكەن و ببنە بەشەك ژ چڤاكی، پێخوشم كو بێژم دێ‌ كلینیكەك بۆنەخوشێن دەرونی هێتە ڤەكرن ل هەیڤا11 و من دڤێت سوپاسیا هەركەسكی بكەم یێ‌ كو هاریكاری كری بو ڤەكرنا كلینیكی".
هاریكارێ‌ راگرێ‌ پەیمانگەها چارەسەریا دەرونی و چارەسەریا تراومایێ‌ د.ممو فەرحان پەیڤەك پێشكێشی قوتابیێن دەرچووی كر وگوت" دەما مە دەست پێكری بەری سێ‌ سالێن جوی مە توڤەك چاند بو ئاڤاكرنا نفشەكێ‌ نوو و نوكە ئەم دبینین كو مە بەرهەمەكێ‌ باش بدەست ڤ ئینا، مە نەخوشی دیتن پێكڤە و پێكڤە سەر زالبوین, ئەز باوەرم هین باشترین گروپێ‌ قوتابیان بوون هەمی كو توخم و جینێت جوراو جور بخوڤە كرتینە من باوەریا ب هەوە هەمیان هەی بو هەر رێكەكا هین هەلبژێرن هین دێ‌ دسەركەفتی بن، سەرێ‌ خو بلند دكەین سێ‌ سالێن خواندنێ‌ نە بسەناهی بوون بەلكو هەوە ئارمانج ئینا جی,4 دەستپێكا وەیە بو سەركەفتنێ‌".
دهێتە دزانین كو ئەڤە دەرچویێن گەرا ئێكێنە ژ پەیمانگەها چارەسەریا دەرونی و چارەسەریا تراومایێ‌ دەردچن كو باوەناما وان یا هەڤپشكە ژ زانكۆیا دهۆك و دوو زانكۆێن ئەلمانی.