ل رۆژا 10/3/2021 هاریكارێ‌ سەرۆكێ‌ زانكۆیا دهۆك بۆ كاروبارێن زانستی و خاندنا بلند د. لقمان هادی حسن دگەل نوینەرێن مامۆستایێن كۆلیژێن زانكۆیێ‌ كۆمبوونەك ل هۆلا خانی ل سەرۆكاتیا زانكۆیێ‌ ئەنجام دا.
ئەڤ كۆمبوونە یا تایبەت بوو ب گەنگەشەكرنا چەند بابەتێن زانستی یێن گرێدایی مامۆستایێن زانكۆیێ‌ و رەوشا خاندنێ‌ داكو هاندەرەك بیت بۆ پتر پێشخستنا ئاستێ‌ زانستی ل زانكۆیێ‌ و هەروەسا گەنگەشەكرنا بابەت و پرسێن گرێدایی مامۆستایان.
ل دووماهیا كۆمبوونێ‌ دەرگەهێ‌ دانوستاندنێ‌ هاتە ڤەكرن داكو نوینەرێن مامۆستایان و گازندە و ئاریشێن مامۆستایان هەر ئێك یێن كۆلیژێن خۆ بگەهینیت و رێیێن چارەسەریێ‌ بۆ بهێنە دیتن، دڤی بیاڤی دا د. لقمان هادی حسن دیاركر كو بریارە كۆمبوونەكا بەرفەره ل زانكۆیا دهۆك بهێتە كرن دگەل وان مامۆستایێن زانكۆیێ‌ ئەوێن پشتی سالا 2010 و هەتا نوكە باوەرناما دكتۆرایێ‌ وەرگرتین چ ل زانكۆیێ‌ بخۆ یان ژی ل دەرڤەی زانكۆیێ‌ و دەرڤەی هەرێمێ‌ ژی بۆ پتر ئاگەهداربوون ل سەر رەوشا وان و زانینا ئاستێ‌ زانستی ل زانكۆیا دهۆك.