گه‌نگه‌شا چار نامێن ماسته‌رێ یێن قوتابیێن په‌یمانگه‌ها چاره‌سه‌ریا ده‌روونی و چاره‌سه‌ریا تراومایێ ل زانکۆیا دهۆک ب هه‌ڤكاری دگه‌ل زانكۆیا توبینگن یا ئه‌لمانی ل سەنتەرێ رەوشەنبیڕی و جڤاکی یێ زانکۆیێ ب شێوێ ئونلاین هاتنە ئه‌نجامدان.
هاریکارێ راگرێ پەیمانگەها چارەسەریا دەروونی و چارەسەریا تراومایێ ل زانکۆیا دهۆک د.مەمو فەرحان دیاركر کو ل 24 قوتابیێن ماسته‌رێ ل 13/11/2019 گه‌نگه‌شێن خۆ ب سه‌ركه‌فتیانه ئه‌نجام دابوون و چار قوتابی مابوون و گه‌نگه‌شا وان ب حازبونا ماموستایێن زانکۆیا دهۆک و ماموستایێن زانكۆیا توبینگن یا ئه‌لمانی ب شێوێ ئونلاین هاتنە کرن، نامێن ڤان قوتابیان گرێدای كیشێن ده‌رونی و تراومایێ بوون ئەوێن ب سه‌رێ خه‌لكێ مه‌هاتی.
د. قاسم حەسو راگرێ كولیژا پزیشكی گوت یافه‌ر بو ئه‌ڤ شێوازێ چاره‌سه‌ریا ده‌رونی ل كوردستانێ هه‌بیت ئه‌ڤ چەندە دێ كیشه‌كا مه‌زن ل ناڤ جڤاكی چاره‌سه‌ركه‌ت بتایبه‌ت بشتی كاودانێن ب سه‌رێ ملله‌تێ مه هاتین بتایبه‌تی رزگاربوویێن ده‌ستێ داعشێ.