ل رێكهفتی 24/6/2020 شاندهكێ رێڤەبەریا گشتی یا پهروهردا پارێزگهها دهۆكێ سهرهدانا زانكۆیا دهۆك كر و ژلایێ پرۆفیسۆر د. مصلح دهۆكی سهرۆكێ زانكۆیێ پێشوازی لێ هاتە كرن.
د روینشتنهكێ دا رێڤهبهرێ گشتی یێ پهروهردا دهۆك ماموستا عمر علی تاها داخوازا هۆلێن كۆلیژێن زانكۆیا دهۆك كر ژ بو ئهنجامدانا ئهزمونێن پولا 12 كو قوتابی ل هولێن زانكۆیێ ئهزمونا ئهنجام بدهن.
سهروكێ زانكۆیا دهۆك پرۆفیسۆر د. مصلح دهۆكی دڤێ روینشتنێ دا تهئكید ل سهر پهیوهندیێن پهروهردێ و زانكۆیا دهۆك كر و ئامادهیا زانکۆیێ دیاركر بۆ ههر ئاسانكاریهكا پێدڤی بۆ ئهنجامدانا ئهزمونێن گشتی یێن پولا 12 دا كو ب پاشترین شێوه ئهڤ پرسێسه بێنه ئهنجام دان.
پێشتر ژی کۆمبوونێن ژڤی جۆری دناڤبەرا زانکۆیا دهۆک و پەروەردا دهۆکێ دا هەبووینە و ل دۆر بابەتێن پەروەردەی و گرێدای پرۆسا خاندنێ بریارێن هەڤپشک داینە و خاندنا ئێڤاران ژی بۆ مامۆستایێن ل سەر میلاکێ پەروەردێ ڤەکریە، ئەڤ دانا هولێن خاندنێ یێن زانکۆیێ بۆ ئەزموونێن پولا دوازدێ دێ هاریکاریەک بیت بۆ قوتابیان داکو بشێن ب دروستی رێنمایێن ساخلەمیێ پەیرەو بکەن و کەشەکێ گونجایی بیت بۆ ئەنجامدانا ئەزموونا.