كولیژا پلاندانانا جهەكی كومبونەك دگەل زانكویا دورتموند ئەنجام دا
May 16, 2020, 4:15 p.m.

ل روژا 13/5/2020  كومبونا كولیژا پلان دانانا جهەكی دگەل زانكویا دورتموند هاتە ئەنجامدان ل دور ڤەكرنا بروگرامێ‌ ماستەرا هەڤپشك دكەل زانكویا دورتموند یا ئەلمانی ل بن سەرپەرشتیا دەزگایێ‌ DAAD چەند پرسێن گرێدایی كورسێن كو فەرە بهێنە خاندن ل ڤی پروگرامی هاتنە گەنگەشە كرن و بریارە كو حەفتیانە كومبونێن ژ ڤی جوری بەردەوام بن.

هەژی گوتنێ‌ یە كو كار ل سەر ڤی پروگرامی دەست پێ‌ كریە بەری سالەكی و چەندین ورك شوپ هاتینە ئەنجامدان ل ناڤ بەرا هەردوو زانكویان دا ل كوردستانێ‌ و هەروەسا ل وەلاتێ‌ ئەلمانیا ژی، ژ لایەكێ‌ دیڤە ل بەرە ئەڤ پروكرامە بیتە پشكەك ل پروگرامێ‌ ب ناڤو دەنگ ل سەر ئاستێ‌ جیهانێ‌ یێ‌ د بیاڤێ‌ پلاندانانێ‌ دا كو بناڤێ‌ SPRING دهێتە ناڤكرن كو پێنچ زانكویێن بەرنیاس ل سەر ئاستێ‌ جیهانێ‌ ل ولاتێن فلپین، غانا، شیلی، وتنزانیا و ب سەرپەرشتیا زانكویا دورتموند ل سالا 1984 هاتیە دامەزراند و قوتابیێن دەرچویی باوەرنامەكا باوەرپێكری ل سەرئاستێ‌ جیهانێ‌ پێ‌ دهێتە بەخشین.

 بو زانیین ئەڤ پروكرامە بەردە وامیا وی پروكرامێ‌ هەڤپشكە یێ‌ زانكویا دهوك دگەل زانكویا دورتموند ل سالا ٢٠١٢ دەستپێكری و كولیژەك هاتیە دا مەزراندن ب وارێ‌ پلاندانانێ‌ كو قوتابیێن دەرچویی باوەرناما بكالوریوس یا هەڤپشك وەردگرن و هەتا نوكە سێ‌ خول دەرچوینە، پروكرامێ‌ كار نوكە ل سەر دهێتە كرن بەرە ل سالا خاندنی یا بهێت ب داوایی بهێتن و قوتابی دێ‌ شێن پێشكێشی كورسیێن د هێنە تەرخان كرن بەردە وامیێ‌ بدەنە خاندنا خو ب وارێ‌ پلاندانانێ‌ دا كو زانكویا دهوك بەردە وام كار ل سەر هندێ‌ كریە پروگرامێن هەڤپشك د گەل زانكویێن جیهانی دامەزرینیت ژ بو بەردە وام دەرچویێن مە هایداری پێشڤەچونا دونیایێ‌ ببن ب وارێ‌ زانستی دا هەروەسا دەلیڤا كاربونا وان زێدە تر لێ‌ دكەتن چ ل ناڤ كوردستانێ‌ یان دەرڤەی كوردستانێ‌.