ل زانكۆیا دهۆك پەرتوكا كارگێری و سەرپەرشتیا پەروەردەیی هاتە ئیمزاكرن

ل رۆژا 12/10/2020 ل سەنتەرێ‌ رەوشەنبیری و جڤاكی ل زانكۆیا دهۆك ب ئامادەبوونا مامۆستا و قوتابی و فەرمانبەران ئیمزا ل سەر پەرتوكەكا كارگێری و سەرپەرشتیا پەروەردەیی هاتە كرن.
د. ناجی نوری مستەفا مامۆستایێ‌ زانكۆیێ‌ نڤیسەرێ‌ پەرتوكێ‌ ژبو راگەهاندنا زانكۆیا دهۆك گۆت من ب فەر زانی ئەز ڤی جۆرێ‌ پەرتوكێ‌ بدانم ژبەر گرنگیا بابەتی ژ بۆ مامۆستا و قوتابیێن مە ژبەر كو دێ‌ بیتە ژێدەرەكێ‌ زانستیێ‌ بهێز ژبو سەرپەرشتیا پەروەردەیی مامۆستا و قوتابی و ڤەكۆلەر مفایەكێ‌ زوور ژڤێ‌ پەرتۆكێ‌ وەربگرن و پەرتوك ب هەردوو زمانێن كوردی بەهدینێ‌ و زمانێ‌ عەرەبی هاتیە نڤێسین ئەڤ پەرتوكە ژ سێ‌ بەشان پێكهاتیە كارگیری و جۆرێن كارگێریا قوتابخانا و رێڤەبرنا سەرپەرشتیا قوتابخانان.
دكتۆری زێدەتر خویاكر كو دڤێ‌ پەرتوكێ‌ دا من بەحسێ‌ ئەركێن قوتابخانا و جڤاتێن دهێنە كرن دناڤبەینا كارگێریا قوتابخانا دگەل سەمیانێن قوتابیان پێشیا كومبونێ‌ بەری كومبونێ‌ دگەل جۆرێن مامۆستا هەر مامۆستایەك چەوایە وەك رەفتار و شارەزاییا رێڤەبرنا پولێ‌ و وانێ‌ وبابەتێ‌ فێركرنێ‌ چەوا گەهینە قوتابیان و دووماهیێ‌ من بەحس ل سەرپەرشتێ‌ پەروەردەیی كریە.