ل كۆلیژا پەروەردا بنیات ل زانكۆیا دهۆك شەش زانكۆیێن پشكدار د پرۆژێ (رابەری كرنا خودان پێدڤیێن تایبەت و خێزانێن وان) روینشتنەك ل رۆژا 7/10/2019 ل هولا پێشمەرگە ل ئاڤاهیێ كۆلیژێ ئەنجام دا.
زانكۆیێن پشكدار دڤی پرۆژەی دا دوو زانكۆ ژ وەلاتێ ئەلمانیا نە و دوو ژ ئیرانێ و ژ عیراقێ ژی زانكۆیا دهۆك و زانكۆیا كوفە پشكدارن، كو ئەڤ پرۆژە دێ سێ سالا ڤەكێشیت كو ئارمانج ژێ دێ لایەنێ تیوری یێ رابەری كرنێ دڤان سێ سالان دا ب تێروتەسەلی گەنگەشێ ل سەر كەن، هەروەسا دێ دویفچوونا بنگەهێن رابەری كرنێ هێتە كرن كا ل دویف كیژ بیردوزا كاری كار دكەن، دیسا پێشخستنا میتودێ خواندنێ ل ڤان شەش زانكۆیان دبیاڤێ رابەریا پەروەردا تایبەت.
سەرۆكێ زانكۆیا دهۆك پ. د. مصلح دهۆكی د پەیڤەكی دا د ڤێ روینشتنێ دا دیاركر كو كۆلیژا پەروەردا بنیات ل زانكۆیا دهۆك رۆلێ وێ یێ بەرچاڤە د بیاڤێ پەروەردا تایبەت دا، ئاشكرا ژی كر كو مە پێشتر بۆ پەروەردا تایبەت پرۆگرامەك دگەل زانكۆیا ئولدنبورگ یا ئەلمانی هەبوو و خۆشحالیا خۆژی دەربری كو دڤی پرۆژەی دا پشكدارن كو زانكۆیەكا وەكو هەمبورگ یا ئەلمانی دگەل دایە، گۆت ژی زانكۆیا دهۆك یا پێخۆشە ئەڤرۆ روینشتنەكا ڤی پرۆژەی ل ڤێرێ دهێتە ئەنجام دان.