لدویڤ رێزبه‌ندییا UniRank، زانكۆیا دهۆك یا ئێکێ یە لسه‌ر ئاستێ زانکۆیێن حکوومی یێن كوردستانێ
يناير 12, 2022, 10:16 ص

د چارچۆڤێ رێزبه‌ندیێن سالانه‌ یێن سایتێ جیهانیێ رێزبه‌ندیێن زانكۆ و ناڤه‌ندێن ئه‌كادیمی ل جیهانێ(UniRank)، زانكۆیا دهۆك یا ئێکێ یە ل سەر ئاستێ زانکۆیێن حکوومی یێن هه‌رێما كوردستانێ.

ژ لایه‌كێ دی ڤه‌، زانكۆیا دهۆك د لیستا باشترین ٢٠٠ زانكۆیێن عه‌ره‌بی ئاخێڤ Top 200 Arabic-speaking Universities ل سالا ٢٠٢١ێ لسه‌ر ئاستێ جیهانێ دایه‌. هه‌ژی ئاماژه‌پێكرنێ یه‌، ژ بلی زانكۆیا دهۆكێ، بتنێ زانكۆیه‌كا دی یا هه‌رێما كوردستانێ جهێ خۆ د ڤێ رێزبه‌ندیێ دا كریه‌، ئه‌وژی زانكۆیا ئه‌مریكی ل عیراقێ، سلێمانی.

سایتێ UniRank، سایته‌كێ جیهانی و سالانه‌ و لسه‌ر بنه‌مایێن جودا، رێزبه‌ندیێن زانكۆ و ناڤه‌ندێن ئه‌كادیمی به‌لاڤدكه‌ت، كو ١٣٨٠٠ زانكۆ و ناڤه‌ندێن ئه‌كادیمی ژ ٢٠٠ وه‌لاتان بخۆ ڤه‌دگریت.