سه‌رۆكێ زانكۆیا دهۆك دێ سه‌ره‌دانا ئه‌لمانیا كه‌ت بۆ ئیمزاكرنا رێكه‌فتنه‌كی
نوفمبر 18, 2021, 11:14 ص

بریار ئه‌وه‌ شانده ك ژ زانكویا دهوك ب سه روكاتیا سه‌رۆكێ زانكۆیا دهۆك ل نزیك سه‌ره‌دانا زانكۆیا تی یو دورتمۆند یا ئه‌لمانیا بكه‌ت بۆ نویكرنا رێكه‌فتنا هه‌ڤپشك یا خاندنا به‌كالوریۆسێ وهه ر وه سا ئیمزاكرنا رێكه‌فتنه كا نی ژ بۆ ڤه‌كرنا خاندنا ماسته‌رێ دبیاڤێ پلاندانانێ دا.

ئه‌ڤ داخازنامه بو سه‌رۆكێ زانكۆیێ بۆ سه‌ره‌دانا ئه‌لمانیا ل رۆژا 17/11/2021 هات ده‌مێ شانده‌كێ زانكۆیا تی یو دورتمۆند یا ئه‌لمانی كو یی پێكهاتی بوو ژ د. دیتوالد گرۆن و د. حه‌سه‌ن سینیمیلی ئوغلو و د. یوهانس لوكانتن، سه‌ره‌دانا سه‌رۆكاتیا زانكۆیا دهۆك كری، و ژلایێ سه‌رۆكێ زانكۆیێ، د. داود سلیمان ئه‌تروشی، و هاریكارێ سه‌رۆكێ زانكۆیێ د. لقمان هادی حسن، پێشوازی لێ هاتیه‌ كرن.

د روینشتنه‌كی دا به‌حسێ پێشڤه‌برنا پرۆگرامێ هه‌ڤپشك یێ زانكۆیا تی یو دورتمۆند دگه‌ل كۆلیژا پلاندانانا جهه‌كی یێ خاندنا به‌كالوریۆسێ، هه‌روه‌سا ڤه‌كرنا ماسته‌را هه‌ڤپشك كو دێ ڤان نێزیكان دهێته‌ ڤه‌كرن و و ئاینده‌ی دا خاندنا دكتورایێ ژی دهیته ڤه كرن، و ل به‌ره‌ ب فه‌رمێ داخازا سه‌رۆكێ زانكۆیێ بكه‌ن سه‌ره‌دانا زانكۆیا تی یو دورتمۆند بكه‌ت بۆ نویكرنا رێكه‌فتنا هه‌ڤپشك خاندنا به‌كالوریۆسێ و ئیمزاكرنا رێكه‌فتنێ بۆ ڤه‌كرنا خاندنا ماسته‌رێ.

سه‌رۆكێ زانكۆیا دهۆك، د. داود ئه‌تروشی، سۆپاسیا، د. حه‌سه‌ن سینیمیلی ئوغلو، كر كو سه‌رۆكێ پرۆگرامی بوو ل سالێن بۆری، و لۆگۆیێ زانكۆیێ پێشكێشی وی كر، كو ل جهێ وی دێ د. یوهانس لوكانتن به‌رده‌وامیێ ده‌ته‌ كاری، كو ژ سالا 2012 ڤی پرۆگرامی ده‌ستپێكریه‌.

هەژی گۆتنێ یە ئەڤ شاندە دێ هژمارەکا وورکشۆپان و سەرەدانێن فەرمی بۆ سازیێن هەرێمێ ئەنجام دەت بۆ پێشخستنا بیاڤێ پلاندانانێ ل هەرێمێ.