سەرۆكێ زانكۆیا دهۆك پ. د. مصلح دهۆكی پشكداری د كۆربەندێ ئابووری یێ
شارستانی یێ سیێ دا ل رۆژا 16/2/2021 ب شێوێ ئونلاین كر ل ژێر ناڤێ
(پیشەسازیا نیشتەجێبونێ و ڤەژاندنا شارستانی ل جیهانا پشتی COVID19)،
پشكدارێن كۆربەندی ژ كەسانێن كاریگەر بوون ژ سەرانسەری وەلاتێن جیهانێ.
سەرۆكێ زانكۆیا دهۆك وەكو ئەندامێ دەستەیا شیرەتكارێ پێشڤەبرنا ئابووریا
ئاڤەدانیێ بۆ سالا 2021 د پەیڤا خۆدا ئاماژە دا گرنگیا ڤی كۆربەندی بۆ
دەستنیشانكرنا ئەوا پێدڤی بۆ چارەسەركرنا بابەتێن ئابوورا شارستانی پشتی ڤێ
پەتایێ، گۆت ژی بدەستڤەئینانا جهێ ئاكنجیبوونێ یێ گۆنجایی مافەكە ژ مافێن
مرۆڤی، هەوەسا ئاكنجیبوون ژ پێدڤیانە بۆ سەرفەرازیا مرۆڤی و
خۆشگوزەرانیێ.
دڤی كۆربەندی دا دا بەحسێ چەند قەیرانان هاتە كرن نە بتنێ كۆرۆنا، هەروەسا
گوهورینا كەش و هەوایی ئەوا كو دهێتە هژمارتن ئێك ژ ئاریشێن هەرە مەزن ل
جیهانێ.
ئەڤ كۆربەندە دێ چارەسەریا قەیرانێن مەترسیدار كەت وەكو هەژاری و نەدادی
و پشتگوه خستنێ ئەوێن كو پێدڤیە بهێنە چارەكرن ب هەر رێكەكا هەبیت، داكو
دشیاندا نەبیت ئەڤ رەوشا نوی یا پەتایێ ببیتە ئەگەرێ زێدەتر ژێكڤەبوونا
شارستانی د ناڤبەرا جڤاكان دا.