زانكۆیا دهۆك پشته‌ڤانیا خۆ بۆ پرۆژێ پێشڤەبرنا بەرهەم ئینانا پتاتان ل كوردستانێ دیارکر
إبريل 27, 2021, 9:43 ص

ل رۆژا 2021/4/20 سەرۆکێ زانکۆیا دهۆک پ. د. مصلح دهۆکی پێشوازی کر ل خانم د. یانی فوس رێڤەبەرا گشتی یا رێكخراوا CABI کو دگەل شاندەکێ كومپانیا KH سەرەدانا زانکۆیا دهۆک کر، کو پێشتر ژی سەرەدانا كۆلیژا زانستێن یٔەندازیاریا چاندنێ كر بوو.
ئەڤ سەرەدانە دچارچووڤێ پرۆژێ پێشڤەبرنا بەرهەم ئینانا پتاتان ل كوردستانێ یە ب هەماهەنگی و هەڤكاریا زانكۆیا دهۆك و ریڤەبەریا گشتی یا چاندنێ ل پارێزگەها دهوكێ و كۆمپانیا KH و كۆمپانیا HZPC و رێكخراوا CABI ب پشتەڤانیا حكومەتا هولەندی.
د. روفایٔیل شلیمون توما سەرپەرشتیارێ پرۆژەی گوت" ل عیراقێ پتر ژ 40 پرۆژا هاتنه‌ پێشكێشكر بۆ وه‌لاتێ هوله‌ندا ئه‌ڤ پرۆژه‌ بتنێ هاتیه‌ وه‌رگرتن كو بوو ماوێ 5 سالا دی یێ به‌رده‌وام بیت كو نیزیكی ده‌ه هزار جوتیار دێ تێدا كاركه‌ن و دێ مفای گه‌هینته‌ قوتابی و ماموستاێن زانكۆیی ژلایێ پراكتیكی ڤه‌".