ل رۆژا 9/8/2021 ل هۆلا كۆنفراسان ل زانكۆیا دهۆك و ب سهرپهرشتیا وهزیرێ خاندنا بلند و ڤهكۆلینێن زانستی د. ئارام محمد قادر و ب ئامادهبوونا ئهندامێن جڤاتا زانكۆیێ و هژمارهكا مامۆستا و فهرمانبهرێن زانكۆیا دهۆك رێورهسمێن دهست بكاربوونا سهرۆكی نوی یێ زانكۆیا دهۆك د. داوود سلێمان ئهترووشی ل جهێ پرۆفیسۆر د. مصلح دهۆكی برێڤهچوون.
د. ئارام محمد قادر وهزیرێ خاندنا بلند و ڤهكۆلینێن زانستی د پهیڤهكێ دا گۆت" ل دویف یاسا و رێنمایێن وهزارهتا خاندنا بلند شهش سهرۆك زانكۆ هاتنه گوهارتن و ئهم یێن ئامادهبووین دا رۆل و كارێ سهرۆكێ زانكۆیا دهۆك یێ بهرێ د.مصلح دهۆكی ئهنجام دای بلد ب نرخینین و شین تبلێن وێ دیارن د پێشڤهبرنا زانكۆیا دهۆك دا و داخازێ ژ ستافێ زانكۆیێ دكهین وهك ئێك تیم هاریكاری و پهشتهڤانیا سهرۆكێ نوی یێ زانكۆیا دهۆك بكهن وهك پشتهڤانیا وهزارهتا مه بۆ ستافێ نوی یێ زانكۆیێ كو ئهم وێ چهندێ دوپات دكهین و سوپاسیا مامۆستا و فهرمانبهرێن زانكۆیێ دكهم بۆ پاراستنا پرۆسێسا خواندنێ ب رێیا سیستهمێ ئاوێته".
د ڤان رێورهسمان دا سهرۆكێ بهرێ یێ زانكۆیێ پرۆفیسۆر د. مصلح دهۆكی دیاركر كو چل و سێ سالا خزمهتا زانكۆیێن ههرێما كوردستانێ كریه و ژ سالا 1994 هاتیه زانكۆیا دهۆك تا ئهڤرۆ و ههشت سالان ژ وان سهرۆكێ زانكۆیا دهۆك بویه ههر وهسا بهحسێ كار و چالاكی و دهسكهفتێن زانكۆیا دهۆك بدهست خوڤه ئیناین ل سهردهمێ خزمهت كری وهك سهرۆكێ زانكۆیێ و داخازا سهركهفتنێ كر بۆ سهرۆكێ نوی یێ زانكۆیێ.
ژلایێ خوڤه د. داوود سلێمان ئهترووشی سهرۆكێ نوی یێ زانكۆیا دهۆك د پهیڤهكێ دا گوۆت" پێخوشحالم كو پشتی چهند سالان من ل وزارهتا خواندنا بلد خزمهت كری و زڤریمه مالا خو كو ئهوژی زانكۆیا دهۆكه، رۆلێ خاندنا بلند ل ههمی وهلاتان ئاڤاكرنا جڤاكی یه و گهلهك ژ وێ چهندێ مهزنتره كو بتنێ قوتابیان وهرگریت و دهربچن".
ههروسا د. داوود سلێمان ئهترووشی دیاركر وی هندهك بۆچوونێن جیاواز ههنه بۆ پێشڤهبرنا سیستهمێ خاندنا بلند و هژمارهكا پێشنیارا داینه وهزارهتا خاندنا بلند و وهزارهتێ ب سینگهكێ بهرفره وهرگرتینه و گۆت "ب بشتهڤانیا ستافێ زانكۆیێ دهلیڤهك یا بومن هاتیه روخساندن كو دماوێ بهێت دا بشێم هندهك ژ وان پێشنیارا ل زانكۆیا دهۆك بجهبینم و داخاز ژ وهزارهتا خاندنا بلند کر كو د پشتهڤان بن دا بشێت ڤی ئهرکی بشێوهكێ درست برێڤەببەت و گۆت ژی دێ ههول دهم كوالهتیا خاندنێ و كوالهتیا دهرچوویێن مه بیت پێشڤهبهم و ڤهكۆلینێن زانستی دڤێت خزمهت و ئاریشێن دهڤهرا مه چارهسهر بكهن".
ههروسا د. داوود سلێمان ئهترووشی سهرۆكێ نوی یێ زانكۆیا دهۆك پهسنا رۆلێ سهرۆكێ بهرێ یێ زانكۆیێ پرۆفیسۆر د. مصلح دهۆكی كر كو شین تبلێن وی دیارن د پێشڤهبرنا زانكۆیا دهۆك دا و دێ پێدڤی بۆچوون و راوێژكاریا وی بین و سوپاسیا وی كر .