د. صباح ابراهیم وه‌یس، پۆستێ‌ شیره‌تكارێ‌ زانستی یێ‌ وه‌زاره‌تا خاندنا بلند و ڤه‌كۆلینێن زانستی بۆ كاروبارێن خاندنا بلند وه‌رگرت
Sept. 29, 2021, 2:53 p.m.

پشتی ل رۆژا 27/9/2021 د. صباح ابراهیم وه‌یس ده‌ست ب كار بووی وه‌كو شیره‌تكارێ‌ زانستی یێ‌ وه‌زاره‌تا خاندنا بلند و ڤه‌كۆلینێن زانستی بۆ كاروبارێن خاندنا بلند، ئه‌ڤرۆ 29/9/2021 سه‌ره‌دانا سه‌رۆكێ‌ زانكۆیا دهۆك كر و ژلایێ‌، د. داود ئه‌تروشی، سه‌رۆكێ‌ زانكۆیێ‌ ڤه‌ پێشوازی لێ‌ هاته‌ كرن.

سه‌رۆكێ‌ زانكۆیا دهۆك، د. داود ئه‌تروشی، خۆشحالیا خۆ دیاركر كو مامۆستایه‌كێ‌ زانكۆیا دهۆك یێ‌ خودان شیان ئه‌ڤ پۆسته‌ وه‌رگرتی، و داخازا سه‌ركه‌فتنێ‌ بۆ خاست، و پشته‌ڤانیا زانكۆیا دهۆك بۆ دیاركر.

د. صباح ابراهیم وه‌یس، به‌حسێ‌ كارێ‌ خۆ یێ‌ نوی ل وه‌زاره‌تا خاندنا بلند كر و دیاركر كو دێ‌ سه‌رپه‌رشتیا كارێ‌ لژنا خاندنا بلند یا وه‌زاره‌تا خاندنا بلند كه‌ن، ل رێكخستنا هژمارا كورسیێن خاندنا بلند، بسپۆریێن خاندنا بلند و ئه‌و پرۆپۆزه‌لێن دهێنه‌ پێشكێش كرن بۆ خاندنا بلند، و گۆت "پلان ئه‌وه‌ گرنگیێ‌ بده‌ینه‌ كوالیتیا خاندنا بلند كو ڤه‌كۆلین د ئاسته‌كێ‌ بلند دابن و چاره‌سه‌ریا ئاریشێن هه‌رێما كوردستانێ‌ بكه‌ن".

شیره‌تكارێ‌ زانستی یێ‌ وه‌زاره‌تا خاندنا بلند و ڤه‌كۆلینێن زانستی بۆ كاروبارێن خاندنا بلند هه‌روه‌سا گۆت "دێ‌ دووپاتیێ‌ ل سه‌ر خاندنا پیشه‌ی كه‌ین و دێ‌ كار كه‌ین كو گرنگی ب ڤی جۆرێ‌ خاندنێ‌ بهێته‌ دان"، هه‌روه‌سا ئاماژه‌ دا وێ‌ چه‌ندێ‌ ژی كو دێ‌ كار كه‌ن داكو بشێن خاندنا بلند ب شێوه‌كێ‌ وه‌سا بهێنه‌ دارشتن داهاته‌كێ‌ باشتر بۆ هه‌رێما كوردستانێ‌ ڤه‌گه‌ریت، و به‌رێ‌ قوتابیان ژ ده‌رڤه‌ بهێته‌ ڤه‌گوهاستن و قوتابی پێشكێشی زانكۆیێن كوردستانێ‌ بكه‌ن.