سەروكێ‌ زانكۆیا دهۆك، د. داود سلێمان ئەتروشی، ل رۆژا 11/9/2021 ل سەنتەرێ‌ رەوشەنبیری و جڤاكی یێ‌ زانكۆیێ‌ كۆمبوونەك دگەل نوینەرێن مامۆستایێن كۆلیژێن سەر ب زانكۆیا دهۆك ڤە ئەنجام دا.
د. داود سلێمان ئەتروشی، دكومبوونێ‌ دا دیار كو مامۆستا ستوینا بنچینەیی یە د پرۆسا فێركرنێ‌ و خاندنا بلند دا، لەورا ئەم پشتەڤانێن مامۆستایێن زانكۆیێ‌ نە دا بشێت ئەركێ‌ خۆ ب باشترین رێك ئەنجام بدەت، مە مامۆستایێن دلسۆز و خودان شیان یێن هەین كو دشێن كوالتیا خاندنێ‌ بەرەڤ پێشڤە ببەن دا بشێن پشتی چەند سالێن دی قوتابیەكێ‌ خودان شیان و كاریگەر پێشكێشی جڤاكی بكەین، ب ئەنجامدانا ڤەكۆلینێن زانستی ل دۆر ئاریشێن جڤاكی، هەر مامۆستایەكێ‌ زانكۆیێ‌ دبیاڤێ‌ تایبەتمەندیا خۆدا دشێت خزمەتا جڤاكێ‌ خۆ بكەت ب دیتنا رێكە چارەسەرێن زانستی.
هەروەسا سەرۆكێ‌ زانكۆیێ‌ رۆنكرنەك دا پلانا وەرگرتنا قوتابیان بۆ سالا نوی یا خواندنێ‌ 2021-2022.