ل ژێر درۆشمێ توژی دگەل مە بەژداربە دبەرهەنگاریا گەندەلیێ دا، دەستەیا دەستپاكیێ یا هەرێما كوردستانێ ب هەماهەنگی دگەل سەنتەرێ ڤەكولینێن یاسایی و رامیاری یێ كولیژا یاسا و زانستێن رامیاری ل زانكۆیا دهۆك رابوون ب ئەنجام دانا پەنەلێ رۆژا جیهانی یا بەرهنگاریا گەندەلیێ ل رۆژا پێنج شەمبی 5/12/2013 ل هولا قوبەهان ل كولیژا یاسا وزانستێن رامیاری ل زانكۆیا دهۆك.
ل دسپێكا پەنەلی پەیڤەك هاتە پێشكێشكرن ژلایێ دكتور قاسم ئەحمەد راگرێ كولیژا یاسا و زانستێن رامیاری ل زانكۆیا دهۆك و بخێرهاتنا مێهڤانان كر و گوت"ئەم وەكو كولیژا یاسا هەردەم پالپشتێن بنبركرنا گەندەلیێ نە.
پەیڤا دەستەیا دەستپاكێی ژی تەئكید ل سەر حەفتیا بەرهنگاربوونا گەندەلیێ هاتە كرن كو ل هەولێر و سلێمانی و دهۆكێ دەست پێكریە ژبو نەهێلان وبنبركرنا گەندەلیێ و ئەڤرۆ وەكو تیرۆرێ ل جیهانێ دا تێتە نیاسین.
ل دیڤدا پەنەلی دەستپێكر و تێدا چەند تەوەرەك هاتنە بەحسكرن ئێك ژوانا شرۆڤەكرنا یاسایا دەستەیا دەسپاكیا هەرێما كوردستانێ ژمارە 3 یا سالا 2011 دگەل رێنمایێن رێكخستنا كارێ ڤەكولینێ ل دەستەیا دەسپاكیێ ژمارە 3 سالا 2016 ژ لایێ ئەحمەد صالح رێڤەبەرێ ڤەكولینێن دەسپاكیێ ل پارێزگەها دهۆكێ، تەوەرەكێ دی هەر ژ ڤی پەنەلی ژلایێ دادوەر خیری خچر ئەندامێ داواكاریا گشتی ل دادگەها ڤەكولینێن دەسپاكیێ ل دهۆكێ كو تێدا بەحسێ رولێ داواكارێ گشتی دقوناغێت ڤەكولین ودادگەهكرنێ دا ل سەر كەیسێن گەندەلیێ، دیسان دكتور خلیل میرانی ژكولیژا یاسا زانكۆیا دهۆك بەحسێ لایەنێ سزایێ دبەرهنگاریا گەندەلیێ دا كر، دوماهیك تەوەرێ ژ ڤی پەنەلی رێكەفتنا نەتەوەیێن ئێكگرتی د بەرهنگاریا گەندەلیێ دا ژلایێ شارەزا ئەنوەر بن خەلیفە شارەزا دبیاڤێ گەندەلیێ دا ل رێكخراوا UNDP و ل دوماهیێ گەنگەشە وپسیار ژلایێ مێڤانانڤە هاتنە كرن.