وەک پشتەڤانیەک بۆ پرۆسێسا زانستی و ئاڤاکرنا پەیوەندیێن بهێز دناڤبەرا زانکۆ وکەرتێ تایبەت دا، ئەڤرۆ ل کەمپا زانکۆیا دهۆک، کولیژا ئەندازیاری، رێورەسمێن ڤەکرنا هۆلا پەرتوکوخانا كولیژا ئهندازیاری هاتنە برێڤەبرن، ب ئامادەبوونا رێزدار سەرۆکێ زانکۆیا دهۆک د. داوود سلێمان ئهترووشی و بەرێز خالد خۆشناو، خودانێ زنجیرا کۆمپانیێن هێمن گرۆپ، ژمارەکا مامۆستا و زانستدۆست.
ل دەستپێکێ د. جهیمس ههیدۆ، راگرێ کولیژا ئەندازیاری سوپاسیێن خۆ ئاراستەی شاندێ مێڤان یێ هێمن گرۆپ کرن و دیسان ئوفیسا دهۆک و ئەندازیارێن سەرپەرشت کو .ئەڤ هۆلا جوان پێشکێشی زانکۆیا دهۆک کری و پێدڤیا وێ و کرنگیا وێ بۆ قوتابیان و پێشڤەبرنا پرۆسێسا زانستی
پاشان د پەیڤەکێ دا، سەرۆکێ زانکۆیا دهۆک بەرێز د. داوود سلێمان ئهترووشی، ستایشا رۆلێ هێمن گرۆپ کر و داخاز کر کو بەردەوام بن و خواست هەموو کۆمپانی چاڤ ل ڤان جۆرە پرۆژا بکەن بۆ پێشڤەبرنا پرۆسێسا زانستی. ئەترووشی ئاماژە دا هندێ کو چەندەها سالە ل ئەوروپا، کەرتێ تایبەت پشتەڤانییا زانینگەهێن خۆ دکەن و هەماهنگیەکا باش د ناڤبەرا وان دا ههیه.
ل دوماهیێ سەرۆکێ زانکۆیا دهۆک هێمایهكێ رێزلێنانێ پێشکێشی خودانێ کۆمپانییا هێمن گرۆپ کر و ئۆفیسا دهۆک و ئەندازیارێن سەرپەرشت كر وکەریانەک د ناڤا پەرتووکخانێ دا کر.