ئەمیندارێ گشتی یێ هاریكار و شیرەتكارێ تایبەت و سەروكێ تیمێ ڤەكولینێ یێ سەر ب نەتەوێن ئێكگرتی ڤە بۆ دویفچوونا تاوانێن ژ لایێ داعش ڤە هاتینە ئەنجام دان كەریم ئەسعەد خان ل رۆژا 18/4/2021 دگەل سەرۆكێ زانكویێ پ. د. مصلح دهۆكێ كۆمبوو.
د كۆمبوونەكی دا ب ئامادەبونا رێڤەبەرێ سەنتەرێ بێشكچی بۆ ڤەكولینێن مروۆڤایەتی د.نشوان شكری و رێڤەبەرێ سەنتەرێ ڤەكۆلینێن جینوسایدێ ل زانكۆیا دهۆك د. سالم جاسم و ڤەكۆلەر داود خەتاری گەنگەشە ل سەر بابەتێ دكیومێنتكرن و ڤەكولینێن هاتینە ئەنجام دان ژ لایێ زانكۆیا دهۆك هاتە كرن، و ئەسعەد خانی گوت" زانكۆیا دهۆك كارەكێ گرنك یێ كری ژلایێ دكیومێنتكرن و ڤەكولینان ل دور كارەساتێن بسەر ئێزدیان هاتین، ئاشكرا ژی كر كو ئەو ل 10 /5 دێ دوماهی راپورتا خو ل نیویورك ل جڤاتا ئێمناهیێ پیشكێش كەن و تیمێن وان یێن ڤەكولینان دێ دبەردەوام بن ل سەر هەماهەنگیێ دگەل زانكۆیا دهۆك.
سەرۆكێ زانكۆیا دهۆك د پەیڤەكی دا گۆت ئەم شانازیێ دبەین كو ئەو پەرتوكێن ل سەنتەرێ بێشكچی بۆ ڤەكولینێن مروۆڤایەتی و سەنتەرێ ڤەكۆلینێن جینوسایدێ ئەوێن ل دور جینوساید و كارساتا ب سەر ئێزدیان هاتین هاتینە چاپ كرن كو ژێكرتین ب وەرگێرنە زمانی ئنگلیزی هەروەسا ئەڤ پەرتوكە یێن هاتینە وەرگێران بو زمانێ ئەلمانی ل زانكۆیا پوتسدام یا ئەلمانی، ئەم داخازێ ژی دكەین كو یێ بەردەوام بیت ل دویڤچونا ڤی بابەتێ جینوسایدێ كو گەلەك جینوساید یێ بسەرێ ملەتی مە هاتین هیڤی دكەین ل دادگەها لاهای ڤی بابەتی بگرنگی وەرگرن كو ببیتە دوپاتكرن كو جینوسایدە، و زانكۆیا دهۆك یا بەرهەڤە بو هەر هاریكاریەكا پێدڤی د ڤی واری دا.
رێڤەبەرێ سەنتەرێ ڤەكۆلینێن جینوسایدێ ل زانكۆیا دهۆك د. سالم جاسم دیاركر" تیمێ سنتەری یێ كارەكێ نوی لسەر جینوسایدا ئێزدیان دكەت كو تا نوكە 80 چاڤپێكەفتن یێن ئەنجام داین ب دەنگ و وێنە و ڤیدیو ودێ دبەردەوام بین تا ئەڤ كارە ب دوماهی بهێت دێ كەینە دخزمەتا ڤی كەیسی دا و ئەم دبەرهەڤین بو هەر كارەكی ژ مە داخازبكەن بو ڤی كەیسی.