بەخشینا ئێکەتیا ئەوروپی بۆ زانکۆیێن کوردستانێ ب رێکا بەرنامێ ئیراسمۆس پلەس
Aug. 23, 2020, 12:58 p.m.

شاد بووین ب رازیبوونا ئێکەتیا ئوروپی Erasmus Plus ، CBHE ، KA2 ل سەر فەندکرنا پروژێ APPRAISE.
پرۆژە یێ گرێدایە ب راهێنانا فەرمانبەرێن هەشت زانکۆیێن کوردستانێ و فەرمانبەرێن وەزارەتا خواندنا بالا بۆ دەمێ سێ سالان ل سەر هەردوو کەرتێن دلنیایی جۆری و رێڤەبرنا باش ل پێڤاژۆیا (سیستەمێ) بولونیا.
دەستپێشخەریا ڤی پروژەی هاتبوکرن ژ لایێ زانکۆیا دهۆک/ رێڤەبەریا پەیوەندیێن نێڤدەولەتی و لدویف دا هاتبو ناردن بۆ رێڤەبەریا دلنیایی جوری ل وەزارەتێ ل سالا 2019. رێڤەبەریا پەیوەندیێن نێڤدەولەتی ل زانکۆیا دهۆكو و دەزگەهێ سەرپەرشتی و دلنیایی جۆری ل وەزارەتێ کارکرن دگەل زانکۆیا UNIMED یا ئیتالی کو رێکخەرێ سەرەکی یێ ئوروپیە بۆ پێشکێشکرنا پرۆپۆزەلەکی سەرکەفتی.
بودجا پرۆژەی نێزیکی ملیۆن یورونە ژ ئێکەتیا ئوروپی ل بروکسل هاتیە تەرخانکرن. ‌مە ل بەرە دەست ب جیهئینانا پرۆژەی ب کەین ل 15 /1/ 2021.