سه‌رۆكێ زانكۆیا دهۆك، د. داود سلیمان ئه‌تروشی، و هه‌رسێ هاركارێن سه‌رۆكێ زانكۆیێ، د. احمد محمد صالح، و، د.لقمان هادی، و، د. میڤان عارف، ل رۆژا 30/8/2021 پێشوازی ل پارێزگارێ دهۆكێ، د. علی تتر، كر.

پارێزگارێ دهۆك، د. علی تتر، پیرۆزباهی ل سه‌رۆكێ زانكۆیێ كر و داخازا سه‌ركه‌فتنێ بو خاست، و پشته‌ڤانیا خۆ و كارگێریا پارێزگه‌ها دهۆك و حكومه‌تا هه‌رێمێ بۆ زانكۆیا دهۆك راگه‌هاند، و دیاركر پێتڤی یه‌ گرنگی ب ئاستێ ره‌وشه‌نبیری یێ قوتابی بهێته‌ دان و هاندانا وی بهێته‌ كرن بۆ خاندنا په‌رتوكان، و چێكرنا ئیراده‌كا بهێز ده‌ف قوتابی بۆ ئاڤاكرنا كه‌ساتیا خۆ.

ژلایێ خوڤه‌، د. داود سلیمان ئه‌تروشی، سوپاسیا پارێزگارێ دهۆك و شاندێ دگه‌ل دا كر بۆ پشتڤه‌نیا وان یا به‌رده‌وام بۆ زانكۆیا دهۆك، و گۆت "پلانا مه‌ ئه‌وه‌ گرنگیێ بده‌ینه‌ ئاستێ زانستی یێ قوتابیان و ڤه‌كۆلینێن زانستی و ب رێكا ڤان ڤه‌كۆلینان ئاریشێن جڤاكی بهێنه‌ چاره‌كرن و مفا ژێ بهێته‌ وه‌رگرتن و هه‌روه‌سا دا رۆلێ زانكۆ د ناڤ جڤاكی چالاكتر بیت ".