ل رۆژا 4/11/2021 سەرۆکێ زانکۆیا دهۆک د. داود سلێمان ئەتروشی پێشوازی ل نڤیسهر و دوستێ گهلێ كورد، د. ئیسماعیل بێشكچی کر، کو ب مەرەما پیرۆزباهیێ ل سەرۆکێ زانکۆیێ سهرهدانا سهرۆكاتیا زانكۆیا دهۆك كربوو، و ب ئامادهبوونا ههردوو هاریكارێن سهرۆكێ زانكۆیێ، و بهرپرسێ لقا 8 یا پارتی ل زاخۆ عهلی عونی، و د. نهشوان شكری رێڤهبهرێ سهنتهرێ بێشكچی بۆ ڤهكۆلینێن مرۆڤایهتی ل زانكۆیا دهۆك، و فهرهاد ئهتروشی، پارێزگارێ بهرێ یێ دهۆكێ، پێشوازی لێ هاته كرن.
د روینشتنێ دا، د. ئیسماعیل بێشكچی، ئاماژه دا وێ چهندێ كو پێدڤیه پتر ڤهكۆلین بهێنه ئهنجام دان و گۆت"پێدڤه پتر كورد د ئێك رێز بن، بتایبهتی ل گۆتارا خۆدا و بتنێ ب ئێك رێزیا كوردا دێ چارهسهریا كێشێن وان هێته كرن".
سهرۆكێ زانكۆیا دهۆك، د. داود سلێمان ئهتروشی، بخیرهاتن لی كر و پشتهڤانیا زانكۆیا دهۆك بۆ دیاركر، پسیار ژی ژێ كر بدیتنا وی زانكۆیێن كوردستانێ ب رۆلی خۆ یێ دروست رابووینه بۆ دانهناسینا دوزا كوردی بۆ جیهانێ، بێشكچی گۆت دهولهتێن دهوروبهر هندی دشیان دابیت دێ ئاستهنگا ئێخنه دپێشڤهچوونا كوردستانێ دا، لهورا یاگرنگه زانكۆیێن كوردستانی رۆلهكێ بهرچاڤ ههبیت ل ههمبهری ههمی ئاستهنگان و بشێوهكێ زانستی ڤان ئاستهنگان چارهسهربكهت و پێدڤیه پتر كار بكهن دڤی بیاڤی دا، و ئهم بچاڤهكێ تایبهت سهحدكهینه زانكۆیا دهۆك بتایبهت كو دهستپێشخهری كری كو سهنتهرهكێ ڤهكۆلینێن مرۆڤایهتی ڤهكری بناڤێ سهنتهرێ بێشكچی".
د. داود سلێمان ئهتروشی گۆت "د. ئیسماعیل بێشكچی رێزهكا تایبهت ل زانكۆیا دهۆك یا ههی و ئهم بچاڤهكێ بلد سهحدكهینێ و ئهم دێ دبهردوام بین ل سهر ههڤكاریێ و دێ ههولێن بهرفرههكرنا ڤێ ههڤكاریێ دهین، و زانكۆیا دهۆك ل بهره ل رۆژێن بهێت ههڤدیتنهكی بۆ، د. ئیسماعیل بێشكچی، رێكبێخیت د گهل وهزیرێ خاندنا بلند و ڤهكولینێن زانستی ل ههرێما كوردستانێ".
ل دووماهیێ ژی، د. ئیسماعیل بێشكچی، پهرتووكهكا خۆ یا نوی چاپكری پێشكێشی سهرۆكێ زانكۆیا دهۆك، د. داود ئهتروشی، و سهرۆكێ بهرێ یێ زانكۆیا دهۆك، د.مصلح دهۆكی، و، فهرهاد ئهتروشی، كر.