ل رۆژا 26/9/2021 ،پرۆفیسۆر دكتۆر ارشاك بولادیان، بالیوزێ بهرێ یێ وهلاتێ ئهرمینیا ل چهندین وهلاتان و شیرهتكارێ بهرێ یێ وهزیرێ دهرڤه یێ ئهرمینیا سمینارهك ل زانكۆیا دهۆك ل دۆر مێژویا كوردی پێشكێش كر.
د سمینارێ دا كو قونسلێ گشتی یێ وهلاتێ ئهرمینیا ل ههولێرێ، ئارشاك مانوكیان، و سهرۆكێ زانكۆیا دهۆك، د. داود ئهتروشی، و هژمارهكا مامۆستا و قوتابی و ڤهكۆلهران بهرههڤ ببوون پرۆفیسۆری ل هۆلا كۆنفرانسان ل زانكۆیا دهۆك بابهتێ خۆ دهستپێكر و دیاركر كو مهبهستا وی ژ ڤی بابهتی خۆرتكرنا پهیوهندیێن كورد و ئهرمهنانه، و گۆت "ئهرمهنان گهلهك خزمهتا كلتۆرێ كوردی یا كری و ب سهدان سالان پێكڤه ژیاینه، و پشتی ئهرمهنستانێ سهربهخۆیا خۆ وهرگرتی ئهم یێن هاتین داكو پهیوهندیێن مێژووی نوی كهینهڤه و هاتنا من ژی بهلگهیه بۆ ڤێ چهندێ".
سهرۆكێ زانكۆیا دهۆك، د. داود ئهتروشی، لۆگۆیێ زانكۆیێ پێشكێشی ههر ئێك ژ، دكتۆر ارشاك بولادیان، و ههروهسا قونسلێ گشتی یێ وهلاتێ ئهرمینیا ل ههولێرێ، ئارشاك مانوكیان، كر و پرۆفیسۆر دكتۆر ارشاك بولادیان دهستخهتهكێ سهدێ 15 ل دۆر مێژویا كوردی پێشكێشی سهرۆكێ زانكۆیا دهۆك كر.